Quenta quevren - Ar bedervet Meditation hac an daouzecvet Chabistr
Youen-Yan-Lois Derrien, 1779-1792 (?) (p. 41-45)
1. En em liquit e presanç Doue.
2. Suppliit-èn d’hoc’h inspira.
1.
Ongit pegueit so aba zouc’h commancet da bec’hi, ha considerit peguement
e cresquet an niver eus ar pec’hejou en ho calon abaoue ar gommançamant guenta-se, ha penaus hoc’h eus-y bemdez augmantet a enep Doue, en hoc’h enep hoc’h-unan hac a enep ho nessâ dre œuvrou, dre gomsou, dre zesirou ha dre songesonou.
2. Considerit ar goall inclination a so ennoc’h ha peguement hoc’h eus-y heuliet. Ha diouz an daou boent-mâ e vellot ez e brassoc’h an niver eus ho pechejou eguet eus a vleo ho pen, ha memes brassoc’h eguet an niver eus ar sabl a so var bord ar mor. .
3. Considerit e particulier ar pec’het a ingrateri en andret Doue pehini a so ur pec’het general hac en em asten var an oll bec’hèjou-all, hac o rent grevussoc’h cals. Sellit eta peguement a c’hraçou en deveus great Doue deoc’h, ha penaus hoc’h eus abuset anezo tout en e enep : particulieramant songit peguemenr a inspirationou hoc’h eus negliget, hac a bet mouvamant mad hoc’h eus rentet inutil, ha dreist pep tra peguen alies a veich hoc’h eus recevet ar Sacramanchou, ha peleac’h ema ar profit anezo. Petra hoc’h eus-hu great gant ar perlesennou precius-se en devoa roet deoc’h Pried hoc’h ene evit e orni ? Goloet hoc’h eus-y oll dindan ho pec’hejou. Pe gant preparation hoc’h eus-y recevet ? Songit eta en ingrateri-se hoc’h eus bet en andret Doue pehini n’en deveus paoueset o redec var ho lerc’h evit ho savetei, ha c’hui n’hoc’h eus paoueset o tec’het en e raoc evit en em goll.
1. En em humiliit o velet peguer miserabl ouc’h. O va Doue, penaus em eus-me an hardizeguez d’en em bresanti dirazoc’hu ? Allas ! ne doun nemet ur viltanç er bed hac ur mardos eus a ingrateri hac a bec’het. Ha possibl eo e ven-me bet quen infidel na ve choumet santimant eus va c’horf na puissanç eus va ene a guement na ve souillet gant ar pec’het, ha na ve quet tremenet un devez hepquen eus va buez a guement n’am be great un droug bennac ennâ ? Hac an seurt anaoudeguez-mâ oa din-me da gaout en andret va C’hrouer evit e vad-oberou, hac en andret va Redemptor evit e C’hoat sacr, pehini eo ar pris eus an oll graçou am eus recevet hac a recevàn bepret ?
2. Goulennit pardon hac en em strinquit da dreit hor Salver, ec’his ur Map prodig, ec’his ur Vadalen, ec’his ur c’hreg pehini e deffe souillet ha disenoret he friedelez gant peb seurt crimou abominabl. O va Autrou ha va Doue, mifericord d’ar pec’her pe d’ar bec’heres-mâ ! Allas ! va Salver, c’hui pehini eo ar sourcen a gompassion, ho pezet truez ouz ar miserabl-mâ.
3. Quemerit ar resolution da veva guell. O va Doue, jamæs mui, moyenant ho craç, non biquen jamæs gant ho sicour hac hoc’h asistanç, n’en em abandonin d’ar pec’het. Allas ! nemet re ne doun en em roet dezàn, siouaz ! E zetesti a ràn bremâ, o tistrei ouzoc’hu, o Tad a drugarez ! c’hui eo a garàn hac a fell din da garet pelloc’h eus a greis va c’halon o tesirout beva ha mervel en ho craç.
4. Evit effaci ar pec’hejou tremenet, me en em accuso anezo gant couraich, ha ne lesin quet unan hepquen n’er chassein eus va ene dre ar Gonfession. 5. Me raï va fossibl evit difframma eus va c’halon antieramant ar griziou anezâ, ispicial eus a certen pec’hejou pere a ra muia poan ha muia importunite d’am c’houstianç. 6. Hac evit dont a-ben a guemense, me en em servicho fidelamant eus ar moyenou pere a vezo cusuliet din gant va Zad spirituel, o cridi ervat penaus ne ouffen jamæs ober aoualc’h evit rapari quer bras pec’hejou evel am eus great ?
1. Trugarecaït Doue pehini en deveus ho cortoet bete vremâ da zistrei ountàn, hac en deveus roet deoc’h ar santimanchou hac an affectionou mad-mâ.
Offrit dezàn ho calon evit ma en disposo da effectui ha da accomplissa ar santimanchou-se. 3. Pedit-èn ma roï deoc’h an nerz da veza fidel d’ho resolutionou mad, hac en em adressit d’ar Sent, ispicial d’ar Verc’hes, ma pligeo ganto intercedi evidoc’h. Pater noster. Ave Maria, &c.