Reneuémant ag er promesseu a Vadiènt
MEN Doué ! goulen e ran pardon a greis me halon guet hou majesté m’em bout disinouret mem Badiènt ha manquet a estimein assès hac a bourfitein ag er græce cair hou poai groeit deign en dé ma hoen bet badéet, d’em laquat de vout unan ag hou pugalé, de vout unan a vambreu hou Corf mystérius, en Ilis, a béhani Jésus-Chrouist, me Salvér, e zou er pèn. Grateah e ran hinihue a greis ma halon, dirac hou majesté, é presance en ol Sænt hac Ælet, é vein, guet er secour a hou cræce, fidelloh d’accomplissein durant mem buhé en obligationeu sacret a mem Badiènt ; m’ou reneuai hinihue a greis me halon ; renonciein e ran aveit er rest a mem buhé de dantationeu en drouc-speret, de vanitéeu er bed ha de zesirieu er horf.
Assurein e ran ehué é credan en ol guirionéeu ag en aviel, ansaignet demb de gredein guet en Ilis catholiq, apostoliq ha romæn, e hanauan eit véritabl Ilis Jésus-Chrouist, ér mæz a béhani n’en dès quet a salvedigueah. Condanein e ran quement tra e gondan ; coutant-hon a guement-tra é ordren, ha desirein e ran bihuein ha merhuel ér greden parfæt ag hé ansaignemanteu, hac ér fidélité de viret hé gourhemeneu. Amen. El-cé revou groeit.