|
Tavid, o tud incredul,
Inutil eo pledi ;
List ho caquet ridicul,
Ha disquit humbl cridi.
E faç an Eê, an doüar,
Oll e vezimp barnet ;
An Eternel en lavar,
E c’her zo un arrêt.
Sujedet, ha Rouanes,
Tud simpl, ha tud goüeziec,
Tud paour, ha tud a zanves,
Ar Barneur, ar Belec
Dirac Tribunal Jesus
Oll e c’happarissimp,
Hac ur gount rigourius
Un deiz oll a rentimp.
Deiz terrupl, deiz a goler,
Deiz rus-glaou gant an tan,
Deiz a spount hac a viser,
A hirvoud, à vouelvan ;
Deiz vras ar Varn general,
Petra arzo ouzit ?
Scrich eo mêmès e sonjal,
Crenit, pec’heur, crenit.
Ne deus teaud var an douar
A ouffe lavaret
An encrès, hac ar c’hlac’har
A laquai dre ar bed,
Ar sinalou estlamus
A zougo ar c’hèlou
Eus ar varn rigourius,
Hac à zeiz an Autrou.
Un den à berdicion,
Ur fallacr ar falla,
Ul leon à zestruccion,
Ur monstr ar c’hruella
An Antecrist en ur guer
E furol, en arrach,
A deuyo tri bloas anter
Da ober ê garnach.
Gant an diaoul possedet
Bete mel è esquern,
E teui gant eur fals profet,
Gant oll nerz an ifern,
Da ober d’ar feiz gristen
Ur bresel furius,
Da gontraign ar Gristenien
Da renonç da Jesus.
Evel daou leon en arrach,
En hac e fals Profet
E laquint oll en usach
Pep seurt art milliguet ;
Ar viçou, an tourmanchou,
An tan, ar c’hlezeyer ;
Troumplesoun, fals viraclou
A spounto’r bed antier.
Nebeut bras à Gristenyen
A ouffe resista,
Ma na deue Doue d’o souten,
Ha d’o difen ountâ ;
Mès enep an adversour
E teui daou Brofet bras
Abers Doue d’o sicour,
Enoc, hac Elias.
Souden an elemanchou,
O santout an termen
Merquet evit venjeançou
Ar Barner souveren,
En em savo da c’hourdrous,
Sicour ouc’h ar venjanç,
Ha da offr oll e courouç
Executi’r setanç.
Ar mor bras en ê furor
A grauzo estlamus
Ar bed oll gant an trous-mor
A dregarno spontus ;
Ar c’houagou foll a vrousto
Ar c’herrec , ar reyer,
Ouc’h al lam ne resisto
Na torraod, na chausser.
Savet evel menezyou
Bete bar an ear,
E tilamo an tarzyou
Da lounca an douar ;
Ar rivierou debordet
Evel en eun diluch,
Gant o oll dour dirollet
A gresco an distruch
An douar o tigueri,
O crena bete’r fount,
A gresco mui-ouc’h mui
An drubuil hac ar spount ;
Ar c’hrean Kèriou brezel
A vezo ranverset,
Hac ar menezyou huel
A vezo abymet.
O tud queiz ! da glasq sicour
Pelleac’h e tec’hot-hu ?
Allas! n’eus d’en-em recour
Moyen ebed nep-tû ;
M’ar cuzit er c’havargnou
Varnoc'h e volsennint ;
Mar clasquit tyes, camprou,
Var ho queïn e quezint.
Bete’n dezerzyou mêmès
An horrol a yelo :
An anevalet goües
Er c'hoajou a yudo :
An dud, an anevalet
Drifyet oll peb unan,
Ar bed antier alarmet,
Er c’hri-forz, er gouelvan.
En Eê an Devaligen
A vezo general ;
Collet oll ê sclerigen
An Heaul a dui tenval ;
Al Loar quer ruz ha goad,
Ar stered o queza,
An Eou o c’horgellat
O c’hourdrous oll freusa.
Allas ! me vel o c’havanç
An diveza termen ;
Ne deus mui à esperanç,
Great oll eo gant an den ;
Chetu digor an doüar
O vomissa flammou ;
An tan goall en ê egar
Partout en oll broyou.
Quer buan er mêmès instant
An Eê so anflamet ;
Ne deus dre ar firmamant
Nemet tan ha luc’het :
Tan ouc’h traon, tan en ear,
Ar bed oll zo è tan ;
Adieu da vuez an douar ;
Mar’mic eo peb unan.
E creis an distruch scrijus
A r’an tan, ar flamou,
Chetu an droumpil squiltrus
O seni en Eou ;
Savit, savit, tud varo,
Oll d’ar varn general ;
Deiz an Autrou so hyrio,
Ne deus mui da c’hedal.
D’an ampoent evel un tenn,
An oll ressucitet,
Quer prount hac al luc’heden
A sa-soun zo savet ;
Ar c’horfou pur ha santel
Zo meurbet glorius ;
Siouas ! ar re griminel
Zo vil, horrubl, fleryus.
D’ar mêmès moment ive
Var un trôn a c’hloar,
Chetu leun à vajeste
Jesus-Christ en ear ;
Araoc an tron e c’havanç.
Ar groas meurbet brillant,
Varlerc’h è rejouissanç
Un arme triomphant.
Diouc’h-tu an oll dud salvet
Tennet gant an Ælez
A vesq an dud reprouvet,
Zo placet a gostes ;
A zeou em’an dud fidel
Evel dénved docil ;
A gleiz an dud reprouvet
Zo evel bouc’het vil.
O Doue, pebez ran-galon !
Cruella disparti !
A zaou zen, à zaou vignon
Bet’en er mêmès ty ;
A ziou c’hoar, à zaou bried,
Tad, mam, ha bugale,
Unan a vezo choaset,
Ha leset eguile.
Mès me vel o tigueri
Levr ar c’hounsciançou ;
Chetu o tisolei
Stâd an oll galounou ;
An den just, an den pec’heur
Oll er stad ma emint,
An oll è levr ar barneur
A vel splem petra int.
Ar vugale direol
Gant o zad hac o mam,
Zo quer sclear hac an heaul
Guelet o büez iffam ;
An eil pried a velo
Disurziou ê bried ;
Pec’heur ebed ne hallo
Mui cuzet e bec’het.
Pec’heur, pec’heres lubric,
Ma zi-de gant ar vez !
Cètu da vüez impudic,
Da oll fallagriez,
Ar c’hrimou ac’heus nac’het
Oc’h da Dad Confessor,
A vouez an oll discuillet ;
O mez, o disenor !
Amâ eat oll en egar
E crio ar pec’heur
Ra zigoro an doüar
D’am lounca var an heur ;
Varnon, varnon, Menezyou,
Bruzunit va esquern ;
Va c’husit, ô abymou,
E fin fount an ifern.
Mès dec’hu, Eneou fidel,
O pebez levenes !
Guelet oc’h œuvrou santel,
Var al Levr à vues !
Ho yunou, ho pedennou
Ho vertuziou cuzet
Zo gant tud an oll broyou
Patant anavezet.
N’oac’h nemed un hypocrit,
Un hypocrites fall ;
Vertuz ebet na mirit
E langach ar bed dall ;
Dispriset, humiliet,
Siouas ! bet pell amzer,
Chetu c’hui justifiet
E faç ar bed antier.
Sælaouomp oll o parlant
Ar Barneur souveren ;
Gant ur vouez douç, consolant,
Un ear contant, laouen,
D’an dud salvet e lavar :
Deut, Eneou benniguet,
Deut guenên-mé d’ar c’hloar
Pell so deoc’h preparet.
Em naoun rei dign da zibri,
Em sec’het da eva ;
En ho ty va repui,
Rei dillat d’am guisca, .
Em prisoun hac em c’hlénvet
Va bisita a reac’h ;
Great oc’h eus-en, em andret,
D’ho nessa pa’r greac’h.
Deut, Eneou trugarezus,
Deut oll gant an eur vad ;
Curunennou glorius
A roï deoc’h oll va Zad ;
Deut oll eternelamant
Da rén gant an Æles,
Eürus ha triomphant,
En ê Rouantèles.
Goud’ evel un tarz-curun
E tro ouc’h an dud daounet ;
Gant ur vouez ne ell nicun
Hep drifia ê c’hlevet ;
Kît oll eus va bizach,
Oll gant an diaoulou,
An ifern eo ho partach,
Da viquen d’ar flammou.
M’emeus bet naoun ha sec’het
Cant gueach è tal ho tor ;
Me so bet noas, prisonier,
Estranjour, clan, toc’hor;
Va rebuti a reac’h ;
Hep damant na trüe ;
Ho nessa pa rebutac’h,
Em rebutac’h ive.
D’an ampoent ur gorventenn
A flammou furius
O destum oll a vanden,
Gant ur c’hri estlamus,
Ha d’an instant assambles
Chetu-hi en ifernou,
Corf hac ene da jamès,
E creis an tourmanchou.
O termen inconcevabl !
Jamès ! eternite !
O disesper effroyabl !
Jamès mui à Zoue !
Evit jamès er prisoun !
Da jamès o lesqui !
Mancout a venn va c’haloun,
Va zeaud a venn sclaci.
Mès c’hui, eneou salvet,
O c’hui zo eürus !
Gant ho corfou benniguet,
Brillant ha glorius,
Chetu c’hui è jouissanç
A varados Doue,
A vezo ho recompanç
Hed an eternite.
O Barados dudius,
Joausdet eternel,
C’hui vezo delicius
D’an dud vad ha Santel ;
Da jamès corf hac ene,
Hep poan ebet mui,
Beza eürus gant Doue,
O bonheur ! ô dudi.
Nep en devez discouarn,
Clevet, sælaouit mad ;
Ho caloun a zo ouarn
Ma na deu da voucâd.
Collet oc’h eus ho squiant,
Ma na ra nep effet
Guiryonezou quen touchant
Var ho speret dallet.
Deiz ho poan rigorius
E viot didrües,
Mès bremâ ô Va Jesus,
Ouc’h leun a drugares ;
O me fell dign profita
Eus ho trüez prezant,
Evit gallout evita
Rigor ho jujamant.
E Sacramant an Aoter,
En ho tabernaclou,
Ouc’h eun oan leun a zouçder,
Un tenzor a c’hraçou ;
Eno me oc’h adoro
Ar rest eus va bues ;
Eno me a imploro
Bremâ ho trugares.
|
