|
1. Me ’garfe deski eur chanson,
Me ’garfe deski eur chanson,
Evit he c’hana d’ar Person.
Mari ’Vôn, lurettik tra-la-la,
Mari ’Vôn lurett’ gé, gé, gé !
2. Ma fater am euz ankouet
Son ’r c’hemenerien ’m euz desket :
3. Pere ve guel’t ont d’ar c’heariou
Evel tud chentil daou ha daou.
4. E barz ma iant d’o devez
Vez passeet eur c’hart devez ;
5. Ha c’hoaz e lavarfont pa vent digoued
Herrio omp erruet abred.
6. Neuze e iafent da fumi
Da deport o dijuni :
7. Eun a raï eun hasten d’he c’houg
Evit goud ’g heon vo kig er poud,
8. Eun all eun hasten d’he gourlanchen,
Evit guel ’g heon vo kig er zouben.
9. Ma ve ket e iafent er meaz
’N eur dekrial an tiegez.
10. Pa vo kestion da ober
Eun habit eured eun eur gear,
11. Neuze vo guelet ar Mestr Tailler
Evel eun aotrou tout e kear.
12. ’Barz ma kommanso labourad
E ranko kaouet boutaillad.
13. Lavar ’ra ’r vestrez deuz an ty :
Prest eo lein poent he dibri,
14. Rag pa vo eat ien ar ioud
Marteze ne vo ket d'ho koud.
15. — Evit ac’han ne zavin ket
Evit dibri ioud ar silet :
16. Ma vize bet ar galetez
Me vize savet gant prez.
17. — Lakeet ar baz var an azen
’Vit kas lein d’ar gemenerien. —
18. Oant ket eat mad hanter d’ar porz
Ma oa kouet an azen stok he gorf,
19. Oa kouet an azen barz ar foz
Treuzet ar baz dindan he gof.
20. Me ho ped holl tud ar c’harter
Pa gleffout trouz ar c'hemener,
21. Da zon da stanka mad ho fri,
Kapat eo d’hoc’h ampoezoni,
22. Grant aoun ne zafe ’n ho penn
Ar c’huez fall deuz he louadeu.
23. Biskoaz ne peuz guelet kemener,
Ma ne ket bramer pe louer :
24. Ma, ne ket bramer pe louer
Pe eur c’hromp braz ’n he zivisker.
25. Ha ne ket red goud ar vicher,
Evit anveout eur c’hemener.
26. He zivisker ’zo goaried
Hag he feskenno ’zo pladed.
|
