J. Maisonneuve ha Ch. Leclerc, 1889  (p. 204-205)


SONIK



Me n’am euz biskoaz laret gaou,
Mes bremazonn me laro daou.
Me oa bet ann de all en Goudlin,
Hag a weliz ann er o tenna lin ;

Hag al logoden hag ar raz
O tougen lin war ar c’hravaz
Ha c’hoaz a lere al logoden d’ar raz
Lakat war n’hi, hag a dougje c’hoaz.

Neuze weliz ar cheveulek
Gant-han eur c’horn — butun’n he veg,
Hag eur gontell gant-han’n he dorn
O traillan butun da lakat’n he gorn.

Neuze weliz al louarn,
Gant-han’n he benn eur brid-houarn,
O tremen dre eur bagad polizi
Hep na redaz war-lerc’h hini.


Ha neuze weliz ar blei
Gwisket en voulons hag en sei
O lampad dreist da gleut al lannek,
’N he c’henou eur marc’h hag eur gazek,

Neuze weliz al logoden-dall
’Tougen ar bed-man hag ar bed all,
Ha c’hoaz a lere al logoden gez
N’ da ket treo-’wac’h deuz he bec’h.

Neuze weliz al laouenan,
A lar ann dud n’e ket bihan,
O skrapat gand he ivino
C’hesa tol Treger en Goelo.

Neuze weliz war dour Runan
Ann tad-moualc’h ’kludan ar vran,
Ha lost ar bik war ann dresen ;
Cheutu achu ma c’hanoen.


Chanté par le docteur Geffroy.

Air de « une dame tartine ».