Trede-a-tregont Cantic. Evit elumi mui-ouz-vui carantes Jesus en hor c’halon goude ar Gommunion

J.-B. Lefournier, 1836  (p. 117-118)



TREDE-A-TREGONT CANTIC.


Evit elumi mui-ous-vui carantes Jesus en hor c’halon goude ar Gommunion. Var ton : Guers ar Gananéen.



O va Jesus, ra viot meulet
Epad an oll eternite,
Da veza deut hirio d’am guelet
Gant quement à humilite,
Ra viot enoret, va Jesus,
Er Sacramant eus an Auter,
Da veza bet quen trugarezus
Em ândret, ha me quen dister.

Me a garre’ven capabl da zisques,
O va Jesus, en oc’h andret
Eus va c’halon an anaoudègues,
Dre ur garantes vras meurbet ;
Guerc’hes Vari, hac oll sent eürus,
Ha c’hui oll Æles benniguet,
Va sicourit da garet Jesus
Ha d’e veuli dious ma e dleet.

Evit Jesus ar bed a lezan,
Rac ne deo nemet un trompler ;
Da Jesus eo en em adressan,
Jesus a ra va oll douçder ;
Jesus a zo scrivet em ene,
Gravet eo Jesus em c’halon ;

Jesus a zo bremâ guenê-me,
Ha ne guitaï quet ac’hanon.

Hep va Jesus netra ne garan,
Jesus eo va mad souveren ;
Jesus hepquen eo a zesiran
Da chom bepret enon da rên,
Jesus eo va c’honsolacion,
Jesus eo va rejouissanç ;
Jesus eo e peb affliccion
Va refuich ha va oll fizianç.

Jesus epquen eo va c’harantes,
Jesus, eo pried va ene ;
Va Jesus herves e volontes
A zisposo à c’hanon-me ;
Da Jesus oun, ha dezan vezin ;
Ne zispartiin quet dious Jesus ;
Jesus ato queït ha ma vevin,
Vezo va zensor precius.

O va Jesus ! leun à drugares,
Ouzoc’h em izom e clemin ;
Va Jesus, em oll sempladurez,
C’hui d’am sicour a c’houlennin ;
C’hui eo va ners em infirmite,
Hac eus va oll adversourien
E trec’hin an importunite,
O va Jesus ! dre ho moyen.

O va Jesus ! me a gred ennoc’h ;
Me esper ennoc’h, va Jesus,
Me ho car, hac ha caro pelloc’h,
Gant oc’h assistanç vertuzus ;
Ra vezo consumet va c’halon
Dre garantes en oc’h andret,
Na duin, va Jesus, e nep fæçon
Da zisplijout deoc’h mui ne pret.