UR VOEZ HA N’EN DES CHET GROEIT UR CHANJ VAD

1. — Ur plah iouank a pe zimé, E gred vé eur e lein er gué,
2. — E gred vé eur é lein er gué, É vé en dél milein e vé.
3. — Mœs en dél e gouéh abred-mat, Ha kalon Er plah e huanad.
4. — Me gredé pem hé diméet N’em behé groeit labour erbet.
5. — Nameid hoari, tarrein keneu, Ha golhein men déournigueu ;
6. — Nameid dichuéh, nameid balé Pè devis ha gout en douéré.
7. — Mœs bremen é houian réh mat É ma ret t’ein hoah labourat ;
8. — É ma ret t’ein hoah labourat Hag andur memb mara vahad
9. — Néein bamdé tair, guerjad[1] ned Ha huchellat gued beg me zroed.
10. — Ha huchellat gued beg me zroed Ha klah open mara véh-koed.
11. — Me fried, un dén didruhé, D’oh-ein n’en dés tam karanté.
12. — Ean e brén quik, él lak ér pod, Ne ra d’ein méid iskern d’em lod.
13. — Ha hoah ne hra quet él d’ur hi : N’hum lausk quet t’ou hrignat én ti.
14. — A pe brén un dousen uieu, Ean ’n devé dêc ha mem bé deu.
15. — Hag é uieu e vé frinted Aveid me ré-mé ne vant quet.
16. — Guéharal p’oen em iouankiz, Me zougué peb sort bragueris.
17. — Allas ! a pe don diméet, Mem bragueris e més kollet !
18. — Mem boé bloukeu ar mem boteu ; Bremen ne més chet a loreu.
19. — Ar mem broh oé ur velouzen, Bremen n’en dés meid un néhen.
20. — Bremen n’en dès meid un néhen, Ha hi hoah ruguet pen d’er ben.
21. — En dé mé on het érédet, Lein me halon e mès ouilet !
22. — Glubet em boé ol men dillad Gued en dar a men deulegad ;
23. — Gued en dar a men deulegad En doé bet ridet a boulad.
24. — A houdé, gued me huanadeu, Bamdé è mès kaijet dareu !
25. — A drasur, pem hehé gouiet Jamæs ne vehen dimèet.
|
————