|
Gwel ar mor o lintri
Dindan eunn heol skeduz ;
Em bag skanv e vezi,
Annaik, ken euruz !
N’ez euz ket enn envou
Ann distera koabrenn,
Heb aoun’ta deomp, hon daou,
Vit ma kaninn laouen :
DISKAN
Va bag, dalc’h eunn dervez
Da wel gwenn digor,
Ha lusk va mignounez
War mor ann Arvor.
Lezomp ann teodou fall
Da gomz, ervez ho giz ;
Hor gredenn hon diwall,
Kemeromp hor frankiz ;
Gant ma vimp, dirag Doue,
Direbech da-viken,
E c’hallomp beza gae,
Hag e kaninn laouen :
O ! lez war da c’hened
Da bara va zellou,
Ken a deuint ar stered,
D’ar pardaez, enn envou,
Gand aoun n’em befe ket
Dervez all ebet ken,
Er bed-ma, das karet,
Ha da gana laouen :
|
