|
1. — In nom’ne Patris, et Fili,
Én ur saludein tud en ti ;
Mar doh hoah dihun, cheleuet
Er sonen hun nès composet.
DISKAN.
Aguilanef, o gué, gué, gué
Aguilanef er blai nehué.
2. — Salud d’er mestr ha d’er vestréz,
Mil benoh d’oh aveid jamés ;
Bonjour d’er goas ha d’er vatèh
Ha d’er vugalé guéh-t-er huéh
3. — En dehuéhan dé ag er blai,
É omb deit te hout hou touéré ;
Ni e houlen er hrœç, arré
De zonnet hoah aben er blai,
4. — E ma’r vestréz étal en tan
É tuemet hé mabig bihan
Ha Doué e hrei er hrœç dehi
De duemet hoah mara hanni.
5. — Én ti-men é lahér bep plai
Deu ben-moh lard hag ur huiz-blai ;
Er huiz e zou eid tud en ti,
En neu ben-moh aveid omb-ni
6. — É ha er vestréz d’er charnel
Gued ur plad bras hag ur goutel ;
É ha er mestr arlerh ehué
Gued er vohel vras ar é skoé.
7. — Tapet ou dès é lost en hoh,
Ha me gred en em bou ean bloh ;
Ne houlenamb quet kement-sé,
Meid er hain hag en neu gosté.
8. — Trohet pêl a zoh en askorn,
Gued eun ne droheoh hou torn,
Rac ni zou ni él el luhern,
Ne garamb quet vras en iskern.
9. — — Petra fal doh riderion-noz,
Lausket-ni enta de repoz ;
Querhet gu’hou hent, ·querhet pèloh,
N’hun nès chet nitra de rein d’oh.
10. — — Ni zalhou mat ar hun sonen
Ke n’hou pou reit t’emb hul loden :
N’en domb quet refuset gued dén,
Meid gued Jakô en diwhar moén.
11. — Meid gued Jakô en diwhar moén.
Hag é Kerplouz é ti Antoén ;
É Keraval hag ér Guerik
É rér d’emb citrouill é léh quik
12. — Mœz én ti-men, trugairé Doué,
É hrér mat ha gued larganté,
Hag er blai men avel prepet.
Ne véemb quet hoah refuset,
13. — Ni hum bou, gued er yér guèlan,
Ag er charnel er hik drûan ;
Marcé memb un dousen uieu,
Ha ne vou quet goal fal hun treu.
14. — — Na quik na yér hui n’hou pou quet :
En hoh n’en dé quet hoah lahet ;
Hag ol hun yér, dré el luhern,
Zou bet daibret quik hag iskern.
15. — — Ma n’en dé quet lahet en hoh
Damb d’el lahein, mar plij gued-n-oh :
Ni e zou kriw, ni en dalhou,
Ha, mar dé ret, ni er goêdou.
16. — Ni gleu er yér ar er gludek
Ha ind e lar kedi-kedek ;
Ni gleu er hog bras é laret :
Ol er yèr en dès bet douet.
17. — — Ne huès-hui gued-n-oh bihiér ?
Lahet enta hui-memb er yér ;
Kasset ind gued-n-oh én hou sah
Ha reit ehué é lod d’er hah.
18. — — N’en dé quet aveid lahein yér
Hun nès ni gued-n-emb bihiér.
Mœz eid saillar drest er pouleu,
Rac berr é hun diwharigueu.
19. — — É ma'r vanden vras é tonnet
Hag ér fang é véèt taulet ;
É véèt taulet er fanguek
Én ari bouton hou lavrek.
20. — Er vanden vras ne zoujamb quet,
Lausket-hi enta de zonnet ;
Ér fang ni hi zaulou ehué
Ke ne saillou er fang d’el lué,
21. — Hun banden-ni n’en dès hé far,
Naren, ér piar horn ag en doar ;
Bout zou gued-n-emb ur hapitain
Ha ean gusket gued sey milein.
22. — Bout zou hoah gued-n-emb ur serjant
Hag e fouettou un hanterhand ;
Bout zou gued-n-emb ur haporal
Hag e fouettou kement aral.
23. — Bout e zou gued-n-emb un tortu
Ha ean e sel ag en neu du ;
É ma azen, é pen en ti,
Ha n’en dès chet eun a hani.
24. — Mœz hastet enta er vestréz,
Rac n’en dé quet goal gaër ér méz ;
Reit te bep unan é loden
Hag é hamb d’achiw hun sonen.
25. — Reit dré’r fenestr pè dré en or
Mar venet ataw hi digor ;
Er fenest e zou el lipran,
Mœz en or en inouraplan.
26. — Eid ma laramb er huirioné,
N’en domb quet goah eid kement-sé ;
Ni zou ur vanden tud iouank
E gar en divertissemant.
|
