Ar C’haor hac ar Bley.

V. Guilmer, 1828

Ar C’haor hac ar Bley.

FABL 26.

Ar C’haor hac ar Bley.

Eur c’haor arauc ma partias
D’e hini bian a laras :
Ne zigoret da zen ebet
Qen a vezin-mèn distroët.
Ar bley en devoa ententet
Ar gourc’hemen e devoa gred,
Ma en em laca en tenor
Evit dont da c’houlen digor.
Pa voa en qichen a-ziavez
E commanças da chanch e voez,
Ha neuse en deus commandet
Ma vije deàn digoret.

Evit bea ennes moez ar c’haor
Mèn ne zigorin qet an or,
Rac dre ar faout a so enni
Mèn a voel scler avoalc’h ar bley.

Sans moral.

Eun dra eo hac a so meulabl
Ha d’ar vugale proﬁtabl
Da zenti eus ho zad ha mam ;
Dre gement-ze beza divlam :
Hac an dud yaouancq mad ho c’haus
Da glevet conseil ar re goz ;
Rac resonabl eo qement-ze :
Guelet ho deus muin evite.

————