Ar C’hi hag ar ster

Emil Ernod

Gwerziou Barz ar Gouet

R. Prud'homme, 1903 (p. 133-135)

◄ Ar Bleiz hag ar c’hi

Ar C’hi hag ar ster

Ar C’haz, ar gaerel hag ar c’honifl bihan ►

XVI

AR CHI HAG AR STER

――――

Meur a hini a ya goall-bell
Pa ’n deus ar mad, da glask ar gwell ;
Ha koulskoude, peurlïesa
Eo ar mad a vez ar gwella.

Eur c’hi a oa o vale bro
Eur pez kig gantañ ’n e c’heno ;
Abiou d’an dour pa dremenas,
Skeuden ar c’hig eno ’welas.

Hag heñ lezel e dam en hent,
D’en em deurel er ster kenkent ;
Hogen ne gavas mann enni,
’Met dare d’añ en em veuzi.

Goasoc’h oa : goude kemendall
Pa deuas emaes, gleb-dour-dall,
E oa aet e gig didrous-kaer
’Beg eur wezen, gant eur c’haz laer.

’Oann ket ’vit miret a c’hoerzin,
’Welet ’sort stum oa war o min :
Ar c’hi, traou, o sellet adreus ;
Misik, kroec’h, ’lipat flour e c’hweus !

$\score { \version "2.18.2" \new Staff { \relative c'{ \clef treble \key g \major \tempo \markup {\italic Allegro.} \autoBeamOff \time 2/4 \partial 8*1 g'8 g a b b | \break d b a g | b4 a8 g | b4 a8 g | \break g a b b | d b a a | \break a a a c | b a g \bar "|." } \addlyrics { Meur a hi -- ni a ya goall -- bell, I -- je -- kon! i -- je -- kon! Meur a hi -- ni a ya goall -- bell, Pa’n deus ar mad, da glask ar gwell. } } \layout { line-width = #123 } \midi { } } \header { tagline = ##f }$