Ar Gefelerien vihan

Emil Ernod

Gwerziou Barz ar Gouet

R. Prud'homme, 1903 (p. 6-10)

◄ Er Breton

Ar Gefelerien vihan

Brediaheu vihan ►

II

AR GEFELERIEN VIHAN

────

I

— Yeotennig, yeotennig vihan,
Te zo atao dihoan-dihoan :
Daoust e kav d’it ’hellfes bezañ
Talvoudus en douar bras-mañ ?

— Ya laouen, ’mei, ’vitañ bout bras,
M’hen lakay kaer, m’hen lakay glas !

— Penaus ’oufes-te hen ober,
Te ken bihan ha ken dister ?

— Bihan ha dister ec’h oñ-me,
’Met pa zo kals ’veldoñ ive

Hon mantel vris ’n em astenno
War barkeier ha menezio.

II

— Takennig, takennig dour-gliz,
Te zo kouezañ, kouezañ diskwiz :
Daoust e kav d’it ’hellfes bezañ
Talvoudus en douar bras-mañ ?

— Ya laouen, ’mei, goall-dalvoudus
D’her boeta, d’hen lakat strujus !
— Penaus ’oufes-te hen ober,
Te ken bihan ha ken dister ?

— Bihan ha dister ec’h oñ-me,
’Met pa zo kals ’veldoñ ive
Ni ’c’hlebio abuilh ar prajou,
Ha ’dorro sec’hed ar bleuniou ! —

III

— Bugelig, bugelig ru-ben,
’Zo bevañ, bevañ dianken,
Daoust e kav d’it ’hellfes bezañ
Talvoudus en douar bras-mañ ?

— Ya laouen, ’mezañ, pa hoñ bet
Evit-se gant Doue krouet.

— Petra ’c’houfes-te da ober,
Te ken bihan ha ken dister ?

— Bihan ha dister ec’h oñ-me,
’Met mar zo kals ’veldoñ ive

Me fell d’iñ, kent ma vimp deut koz,
’Ve an douar eur baradoz ! —

$\score { \version "2.18.2" \new Staff { \relative c'{ \clef treble \key f \major \tempo \markup {\italic Grazioso} \autoBeamOff \time 2/4 \partial 4*1 \partial 8*1 a'8 f g a bes | c4 c8([ bes]) | \break g4 r8 a | f g a bes | a4 a8([ bes]) | \break g4. bes8 | f g a bes | c4 d | c r8 c | \break c a( f) a | c bes g( a) | f4 r8 \bar "|." } \addlyrics { Yeo -- ten -- nig, yeo -- ten -- nig vi -- han, Te zo a tao di -- boan -- di -- boan: Daoust e kav d’it ’hell -- fes be -- zan Tal -- vou -- dus en dou -- ar bras -- mañ? } } \layout { line-width = #120 } \midi { } } \header { tagline = ##f }$

————