II
BREDIAHEU VIHAN
__________
GIZ GUENED
— Géautennig, géautennig vihan,
Te vé dalbeh dihoan-dihoan :
Te gred en ha pehé biken
Talvedigeh én doar bras-men ?
— Ia, ’mé hi, deustou mann dé bras
M’er lakei de vout braù ha glas.
— Penaus é fehes er gobér,
Té ker bihan ha ken distér ?
— Bihan ha distérik on mé,
Meit pen des kals eldon eùé
Ni huskou get hur mantel guer
Ha mañnéieu ha parkeuiér.
— Tapennig, tapennig deur gloéh,
Te zou dalhmat é koéh, é koéh :
Te gred en ha pehé biken
Talvedigeh én doar bras-men ?
— Ia, ’mé hi, talvedigeh vat
D’er bouitat ha d’er fréhusat.
— Penaus é fehes er gobér,
Té ker bihan ha ken distér ?
— Bihan ha distérik on mé,
Meit pen des kals eldon eùé
Ni hellou, ahed er pradeu,
Torrein séhed er bokèdeu.
— Kroèdurig, o kroèdurig fliaù
E viù disoursi-kaer ataù,
Te gred en ha pehé biken
Talvedigeh én doar bras-men ?
— Ia sur, emè ean, pen don bet
Eit kement-sé get Doué krouéet.
— Penaus e fehes er gobér,
Té ker bihan ha ken distér ?
— Bihan ha distérik on mé,
Meit mar des kals eldon eùé
Me venn, érauk m’hur bou blèu guen,
’Vé ur baraouiz en doar-men ! —
