L. Prud’homme, 1846  (p. viii-ix)



AVIS.


————


Ar boan hon eus bet hon-unan, er gommançamant, pa renquemp trei al latin pe ar gallec e brezonec, hac an dezir da veza util d’ar bobl fidel ha d’ar re-so carguet d’e instrui, o deus hon douguet da scriva al levr-ma, hanvet Doctrin ar guir Gristen, etc. Partaget eo e pemp loden, e pere e caver espliquet symbolen an ebestel, gourc’hemennou Doue ha re an Ilis ; ar Bater hac an Ave ar sacramancbou ; ar pec’het e general, hac e particulier ar seiz pec’het capital… Var ar meas, evel er c’hæriou, e tesquer ar guirionezou quenta eus ar religion en un oad e pehini n’o c’homprener quet mâd avoalc’h, ha deut da veza cossoc’h e tispriser un instruction græt dre c’houlen ha dre respont, oc’h e c’honsideri evel quentelliou pere ne zereont nemet ouz bugale yaouanq ; dre eno, an anoudeguez eus ar religion a so dister-meurbed etouez ar bobl; rac-se hon eus cavet a propos rei ama dezan , evit e sicour, un instruction grêvoc’h ha guelloc’h deut d’e zivis, o veza ma c’hallo he len evel un histor, hac he c’honsideri evel ul lectur devot pehini a ve mâd-bras da ober e præsanç oll dud an ty… Ar sourcennou a bere hon eus tennet quement hon deus scrivet a zo caer-meurbed hac anavezet-mâd : o henvel a zo guella meuleudi a allemp da ober eus al levr-ma : an doctoret o deus composet Catekis ar C’honcil a Drant [1], Couturier [2], Berger-de-Charancy [3], Chevassu [4], Ligory [5], Bouvier [6], Guillet [7], Collet [8], Frayssinous [9], o deus græt hac a ra c’hoas enor ha gloar ho amzer, dre’r zantelez eus ar vuez ho deus cunduet, dre ho descadurez-vras ha dre’r fæçon m’az int en em gomportet er c’hargou huel a bere ez int bet cavet din : doctrin ar re-ma eo hon eus heuillet pen-da-ben ha scrivet casi guer-evit-guer, goude beza o lennet meur a vech var ar poenchou a bere hon eus parlantet.

Mar respont hon labour d’ar boan ha d’ar sourci hon eus quemeret oc’h e ober, ne vezo quet inutil evit ar re evit pere hon eus er scrivet.


————
  1. [Catechismus ex decreto Concilii Tridentini ad parochos, Pii V Pont. Max. jussu editus, 1566 (embannadurioù ha troidigezhoù diniver diwar neuze).]
  2. [Couturier, Jean (1731-1799), Catéchisme dogmatique et moral, ouvrage utile aux peuples… 3e éd.: 1824 (4 vol.) ; — Abrege pratic eus an doctrin cristen, troet e brezonec eus a hini gallec an autrou Couturier… Montroulez : Lédan , 1834 (in-12, 132 p.).]
  3. [Berger de Charancy, Georges Lazare (1689-1748; évêque de Saint-Papoul, puis de Montpellier), Catéchisme dit de Montpellier,… ou Instructions générales en forme de catéchisme… Nouv. éd., … augmentée … du Catéchisme de controverse de P. Scheffmacher . Avignon, 1839. 2 vol.]
  4. [Chevassu, Joseph (1674-1752), Catéchisme paroissial, ou les Principales vérités de la foi, expliquées par l'Écriture sainte et les saints Pères de l'Église… Lyon, 1710, in-12, XII-295 p. ; — Méditations sur les véritez chrétiennes et ecclésiastiques, Lyon, 1735, 5 vol..]
  5. [Liguori, Alphonsus-Maria de (sanctus ; 1696-1787), Theologia moralis, ed. nova… cura et studio d. Receveur, Paris, 1835, 5 vol. (Ed. 1 : Rom, 1757 ; ha kalz embannadurioù all a-hed an 19t kv.]
  6. [Bouvier, Jean-baptiste (1783-1854, évêque du Mans), Catéchisme à l'usage du diocèse du Mans, Le Mans, 1838, in-12, 159 p.]
  7. [Guillet, Benoît (1759-1812), Projets d'instruction pour les dimanches et fêtes de l'année…, Bruxelles, 1836, 4 vol.]
  8. [Collet, Pierre (1693-1770), Institutiones theologicae quas in usum seminariorum…, Paris, 1747-1748 (3 vol.) ; — Institutiones theologiae moralis, Paris, 1757-1758 (5 vol.) ; — Institutiones theologiae scholasticae…, Editio nova, Lyon, 1765, 2 vol.]
  9. [Frayssinous, Denis (1765-1841), Défense du christianisme, ou : Conférences sur la religion, Paris, 1825, 3 vol.]