Barzhaz Breizh/1846/Bale Arzur
Oberennoù damheñvel pe handelvoù all zo ivez, gwelout Bale Arzhur.
— Deomp, deomp, deomp, deomp, deomp, deomp, d’ar gad !
Deomp, kar, deomp, breur, deomp, map, deomp, tad !
Deomp ! deomp ! deomp holl ! deomp ’ta, tud vad !
Mab ar c’hadour a lavare,
Lavare d’he dad, eur beure :
— Marc’hegerien war lein ar bre !
Marc’hegerien o vont e-biou,
Mirc’hed adan-he, glaz ho liou,
Oc’h hinteal gand ar riou !
Stank-ha-stank, c’houec’h-ha-c’houec’h, e ri ;
Skank ha stank, e ri tri-ha-tri ;
Mil goaf oc’h ann heol o lintri ;
Stank-ha-stank, e ri, daou-ha-daou,
O vont da heul ar banielaou
Hag a vransell glan ann Ankaou.
Nao ban rong ann daou benn anhe ;
Bagad Arzur, e goarann, e ;
Arzur a-rok lein ar mene. —
— Mar ma Arzur ann hini eo,
Prim d’hor gwarek ha d’hor gwall veo !
Ha’rok d’he heul, ha flimm ra freo ! —
Oa ked he c’her losket a-grenn,
Pa drouzkrozaz ar iouc’hadenn
Hed ar meneziou penn-d’ar-benn :
— Kalon am lagad ! penn am brec’h !
« Ha laz am blons, ha traon ha krec’h !
« Ha tad am map, ha mamm am merc’h !
« Marc’h am kazek, ha mul am as !
« Penn-lu am mael, ha den am goas !
« Goad am daerou, ha tan am grouaz !
« Ha tri am unan, evit mad !
« Traon ha krec’h, noz-de, mar gell pad,
« Ken a redo enn traoniou goad !
« Er stourmat treuzet mar kouezomp,
« Gand hor goad en em badezfomp,
« Ha laouen galon a varfomp.
« Mar marvomp evel ma dleet
« D’ar gristenien, d’ar Vretoned,
« Morse na varvimp re abred ! » —
