Barzhaz Breizh/1846/Distro euz a Vro-Zaoz

Oberennoù damheñvel pe handelvoù all zo ivez, gwelout An Distro eus a Vro-Saoz.



XVII


DISTRO EUZ A VRO-ZAOZ.


(Ies Kerne.)


Etre parrez Pouldergat ha parrez Plouare,
Ez euz tudjentil iaouang o sevel eunn arme
Evit monet d’ar brezel dindan mab ann Dukez,
Deuz dastumet kalz tud euz a beb korn a Vreiz ;

Evit monet d’ar brezel dreist ar mor, da Vro-zoz.
Me’m euz ma mab Silvestik e ma int ouz he c’hortoz ;
Me’m euz ma mab Silvestik ha n’em euz nemet-han
A ia da heul ar strollad, gand marc’heien ar ban [1].

Eunn noz e oann em gwele, ne oann ket kousket mad,
Me gleve merc’hed Kerlaz a gane son ma mab ;
Ha me sevel em’ c’haonze raktal war ma gwele :
— Otrou Doue ! Silvestik, pelec’h oud-de breme ?

Marteze em oud ouspenn tric’hant leo deuz va zi
Pe tolet barz ar mor braz d’ar pesked da zibri ;
Mar kerez bea chommet gant da vamm ha da dad,
Te vize bet dimezet breman, dimezet mad ;

Te vize bet dimezet hag eureujed timat
D’ar braoa plac’h euz ar vro, Mannaik Pouldergat
Da Vanna da zousik-koant, ha vizez gen-omp-ni
Ha gand da vugaligou ; trouz gant-he ’kreiz ann ti.

Me am euz eur goulmik c’hlaz e kichenik ma dor,
Hag hi e toull ar garrek war benn ar ros e gor ;
Me stago deuz he gouzouk, me stago eul lizer
Gant seiennen va eured, ra zeui ma mab d’ar ger.


— Sav alese, va c’houlmik, sav war da ziou-askel
Da c’hout mar te a nichfe, mar te a nichfe pell ;
Da c’hout mar te a nichfe gwall bell dreist ar mor braz,
Ha ouifez mar ’d eo ma mab, ma mab er buhe c’hoaz ?

Da c’hout mar te a nichfe tre-beteg ann arme,
Ha gasfez euz va mab paour timat kelou dime ?
— Setu koulmik c’hlaz va mamm a gane ’kreiz ar c’hoat,
Me hi gwel erru d’ar gwern, me hi gwell o rezat.

— Eurvad d’hoc’h-hu, Silvestik, eurvad d’hoc’h, ha klevet :
Ama em euz eul lizer zo gan-in d’hoc’h kaset.
— Benn tri bloaz hag eunn devez me erruo da vad,
Benn tri bloaz hag eunn devez gant ma mamm ha ma zad. —

Achuet oa ann daou vloaz, achuet oa ann tri :
— Kenavo d’id, Silvestik, ne n’az gwelinn ket mui ;
Mar kaffenn da eskern paour tolet gand ar mare,
Oh ! me ho dastumefe hag ho briatefe. —

Ne oa ked he c’homz gant-hi, he c’homz peurlavaret,
Pa skoaz eul lestr a Vreiz war ann ot, hen kollet,
Pa skoaz eul lestr a vro penn-da-benn dispennet,
Kollet gant-han he raonnou hag he wernou breet.

Leun a oa a dud varo ; den na ouffe lavar,
Na gout pe geit zo amzer n’en deuz gwelet ann douar.
Ha Silvestik oa eno, hogen na mamm na tad,
Na mignon n’en doa, siouaz ! karet he zaou-lagad !


————



\score {
  \version "2.18.2"
  \relative c'{
    \clef treble
    \key a \minor
    \tempo \markup {\italic Andante.}
    \override Rest #'style = #'classical
    \autoBeamOff
    \time 3/4
    \partial 4
    e4 | a4. c8 c e | d16 [( c)] b8 r8 r4 e8 | \break
    a,4. a8 \autoBeamOn \tuplet 3/2 { gis( a) b } | a2 r8 e | a4. \autoBeamOff c8 c e | \break
    d16 [(c)] b8 r8 r4 e8 | a,4. a8 \autoBeamOn \tuplet 3/2 { gis( a) b } | \break
    a4 r4 r8 a8 | e'4. d8 \tuplet 3/2 { f e d } | c2 r8 d8 | \break
    e4. \autoBeamOff d8 c d | c2 r8 d8 | d4. c8 d e | \break
    d16[( c)] b4 r4 e8 | a,4. a8 \autoBeamOn \tuplet 3/2 { gis( a) b } | a2 \bar "|."
  }
  \addlyrics {
    E tre par -- rez Poul -- der -- gat ha
    par -- rez Plou -- a -- re, Ez euz tud -- jen -- til
    iaou -- ang o  se -- vel eunn ar --
    me, E -- vit mo -- net d’ar bre -- zel, din
    dan mab ann Du -- kez, En deuz das tu met
    kalz tud euz a beb korn a Vreiz.
  }
  \layout { line-width = #123 }
  \midi {
    \context {
      \Score
      tempoWholesPerMinute = #(ly:make-moment 100 4)
    }
  }
}
\header { tagline = ##f }

  1. Ce mot n’est plus usité que dans un adverbe de lieu.