Barzhaz Breizh/1867/Bosen Elliant

Oberennoù damheñvel pe handelvoù all zo ivez, gwelout Bosenn Eliant.

Théodore Hersart Kervarker

Barzaz Breiz

Didier et Cie, 1867  (p. 52-54)

BOSEN ELLIANT

− IES KERNE −

Tre Langolen hag ar Faouet
Eur Barz santel a vez kavet ;
Hag hen Tad Rasian hanvet.

Laret en deuz d’ar Faouediz :
Laket eunn oferen beb miz,
Eunn oferen enn hoc’h iliz.

Eet eo ar vosen a Elliant,
Hogen ne ket eet heb forniant,
Eet zo gat-hi seiz-mil ha kant !

E bro Elliant, heb laret gaou,
E ma diskennet ann Ankaou,
Maro ann holl dud nemed daou :

Eur c’hroegik kouz tri-ugent vloa
Hag eur mab heb ken e devoa,

« Edi ar vosen ’penn ma zi ;
Pa garo Doue ’teui enn ti ;
Ni iei ’mez pa deui, » eme-z-hi.

E kreiz Elliant, er marc’hallec’h,
Geot da falc’hat e kavec’h,

Nemed enn hentig euz ar c’harr
A gas re varo d’ann douar.

Kriz vije ’r galon na welje,
E bro Elliant, neb a vije :

Gwell’t triouec’h c’harr tal ar vered
Ha triouec’h all eno ’ tonet.

Lec’h oa nao mab enn eunn tiad,
Eent d’ann douar enn eur c’harrad,
Hag ho mamm baour oc’h ho charrat.

Ho zad adren o c’houibannat :
Kollet gat-han he skiand-vad.

Hi a iude, galve Doue ;
Reustlet e oa korf hag ene ;

— Laket ma nao mab enn douar,
Ha me roi doc’h eur gouriz koar,

A rei teir zro endro d’ho ti,
Ha teir endro d’ho minic’hi.

Nao mab em boa em boa ganet,
Setu gad ann Ankou int eet ;

Gad ann Ankou e toull ma dour ;
Den da hul d’in eul lommik dour ! —

Leunn e’r vered rez ar c’hleuniou,
Leun ann iliz rez ann treuzou ;

Red eo benniget ar parkou,
Da lakat enn ho ar c’horvou.

Me wel er vered eunn derven,
Hag enn he beg eul liser wenn :
Eet ann holl dud gad ar vosen.