|
1. — Cheleuet hag e kleuehèt
Ur ganen a nehué sawet ;
2. — Ur ganen a nehué sawet
Eid inourein un dén parfœt.
3. — Isidôr e oé labourér,
Servitour bras én ur manér.
4. — Er mehuel oé én ti guet-ou
En hum glemé bras a nehou.
5. — « — Er mæstig quér n’er gouiet quet :
« Isidor doh ne labour quet.
6. — Hed enn eu ben en dès nen dé,
« Ne hra quin nameid pedein Doué
7. — « Lahet é d’ein mé men divréh
« Ê hobér labour én é léh.
8. — « — Nen dé quet aveid pedein Doué,
« Isidor, en hou kôpran mé ;
9. — « Mæs eid secour me mehueleu
« De labourat doar em farkeu.
10. — « — Me mœstig quér, ne fachet quet,
« Ahoel quent m’hou pou me hleuet :
11. — « Perpet, el ur guir servitour,
« E mès eid oh groeit me labour
12. — Laret t’ein hoah petra gobér
« Ha ne vankein quet t’em devér.
13. — En ternoz vitin, pe sawas,
Bet ean davaiet t’er park bras ;
14. — D’er park bras é oé davaiet
Aveid distonn doareu kalet.
15. — Ê vœstr e hias, hemb gout tehou,
De dal er harh eid kuh doh t’hou.
16. — De dal er harh aveid guélet
Mar en devehé labouret.
17. — Pe sonas er hloh d’en ovren,
Isidor e lauskas é den.
18. — Isidôr e lauskas é den
Aveid hum lakat é peden.
19. — Aveit hum lakat é péden,
Ar ben é zeuhlin ér hrien.
20. — Mœs ag en nean, ô tra souéhus,
É tichen deu él liguernus :
21. — É dorn unan oé ur halpren,
É dorn en aral ur ioualen.
22 — É dorn en aral ur ioualen.
Eid lakat te guerhet en den.
23. — Er mœstr, pe huélas kement-sé,
E hanawas er huirioné,
24. — « — N’en dé quet un dén é groeç Doué,
« E flatei Isidôr d’ein mé.
25. — Mœs un dén fal, lan a ivi,
« Un dén karguet a jalousi.
26. — « Isidôr e hra é labour :
« Eid-on n’em dès guèl servitour :
27. — « Isidôr gued Doué zou karet,
« Me garehé er goarn perpet.
28. — Nezen é has er mœtr d’er guér,
El un dén trompet, é kolér.
29. — Ag er park Isidor ehué,
E zas d’er guér, ar dro kreisté.
30. — El mé té d’er guèr gued é den,
É vœstr e hias en é arben.
31. — É vœstr a bêlan m’er guélas,
Ar é zeuhlin en hum daulas.
32. — « — Me mehuel Isidôr, pardon.
« Pardon a grezig me halon.
33. — « — Ya, me mœstr m’hou pardonou,
« Hui ha kement e hoal gonzou.
34. — Isidôr dén just ha santel,
E viwé pur avel un él.
35. — Liès dré bedenneu gredus,
É hras memb œvreu burhudus.
36. — Pe oé tueman de greiz en œst,
Ean e dorré séhet é vœstr.
37. — Tri zaul ar en doar a pe skoé,
Ur gaër a fetan e sawé,
38. — Ur gaër a fetan e sawé,
Hag er mœstr é hoalh e ivé,
39. — « — Me mœstr karet, d’oh me feden,
« Doué é zigass t’oh deur mamen.
40. — « Keméret ur huéren argand,
« Ivet ke ne vehet koutant.
41. — Pe oé torret séhet er mœstr,
Er fetan gaër e hié de hesk.
42. — Mén ma chapel sant Isidôr ?
En un inizen bras, ér mor.
43. — Én un inizen tost de Spagn,
Ha pêl mat t’oh en Allemagn.
|
![\version "2.16.2"
\header {
tagline = ##f
}
\score {
<<
\new Voice = "kan" {
\autoBeamOff
\relative c' {
\clef treble
\key g \minor
%\set Staff.instrumentName = \markup {\huge \bold I.}
\time 6/8
\partial 8*1
%\set melismaBusyProperties = #'()
\override Rest #'style = #'classical
%\tempo \markup {\italic Moderato} 4=108
d8 | g4. bes4. | a4 g8 g [f] e | \break
d4. (ees8) r f | g4. bes4. | a4 g8 g [f] e | d4. r4 r8 | \break
bes' bes bes bes [c] d | d [c] bes a [bes] a | \break
g4. bes4. | f4 bes8 a4 a8 | g4. r4 r8 \bar "|."
}
}
\new Lyrics \lyricsto "kan"
{
%\override LyricText #'font-shape = #'italic
%\set stanza = "1."
Che -- leu -- et hag e kleu -- e -- hèt,
Che -- leu -- et hag e kleu -- e -- hèt,
Che -- leu -- et hag e kleu -- e -- hèt,
Ur gan -- en a ne -- hué saw -- et
}
>>
\layout {
% indent = #00
line-width = #120
%ragged-last = ##t
}
\midi {
\context {
\Score
tempoWholesPerMinute = #(ly:make-moment 96 4)
}
}
}](http://upload.wikimedia.org/score/8/9/894l77bjmi97ci0q70km2brq6223qxw/894l77bj.png)
