|
Deut oll da glevet ar plede
Entre ar Chorf hac an Ene ;
Abalamour d’ar Mission
Eo savet an division.
Ar c’horf ne c'houlen quet clevet
Comps a Vission, nac a Retret ;
Aoun en deus na ve red quitaat
E blijadur hac e cher vad.
Maes an ene so morc’hedus
Rac na ve un deiz maleürus,
Hac a implich he oll reson
Evit e gaçz d’ar Mission,
An Ene.
Deomp, va c’horf, deomp d’ar Mission,
Da c’hounit ar remission ;
Induljançou plenier a zo,
Ha Confessoret a peb bro.
Ar C’horf.
Tao dign gant ar Missionou,
Ne gomps quet dign a Retrejou ;
Ha te sonch did beza collet,
Nemet er Mission e ven bet ?
Maes an ene so morc’hedus
Rac na ve un deiz maleürus,
Hac a implich he oll reson
Evit e gaçz d’ar Mission,
An Ene.
Deomp, va c’horf, deomp d’ar Mission,
Da c’hounit ar remission ;
Induljançou plenier a zo,
Ha Confessoret a peb bro.
Ar C’horf.
Tao dign gant ar Missionou,
Ne gomps quet dign a Retrejou ;
Ha te sonch did beza collet,
Nemet er Mission e ven bet ?
An Ene.
Collet vezimp a dra certen.
Ma na reomp quet pinigen ;
Ne deus quet a remission
Heb ober guir Gonfession.
Ar C’horf.
Red eo, m’er goar, e covessaën
Mæs non-pas gant Missionerien ;
Gouzout a dlees, pe guel lyes
E custuman mont da goves.
An Ene.
Ya, mont a res da goves
E creiz ar foul, è creiz ar près ;
Ha querquent m’ac’h eus coveçzaët
E coueses er mêmès pec’het.
Ar C’horf.
Coveçzaat a ran pa ellan,
Ous ar pec’het e tivoallan,
Va zeaud ne deo quet scrupulus ;
Na va c’houstians morc’hedus.
An Ene.
Allas ! pe seurt Covession,
Heb glac’har na contricion,
Hep propos ferm, nac examen,
Nac ober oll ar binigen.
Ar C’horf.
Tra, tra, caër ec’h eus sarmon dign,
Rac biquen n’en-em resolvign
Da dostaat ous ar Mission,
Nac ouc’h Tadou quen direson.
An Ene.
Autrou Doue, nac ar pec’het
Ac’heus pel-amzer-zo nac'het ;
Da biou en discleriy-de,
Ma na res quet d’an Tadou-se.
Ar C’horf.
Gorto, e zign da bardonna
Da Folgoat, pe Santes Anna,
Hac am bezo quer couls pardon
Evel pa zaen d’ar Mission.
An Ene.
Salocras, rac er Mission,
Goude quellies a zarmon,
E vezo da galoun touchet,
Evel an houarn ruz scoet.
Ar C’horf.
Ya, mæs ar Vissionerien
A zo rust ouc’h ar bec’heurien,
Hac a ra ober ordinal
Ur goveçzion general.
An Ene.
Ah ! caëra tensor, caëra chanç
Nætaat ur veach ar goustianç,
Rapari ar sacrilejou
Hac ar goal gommunionou.
Ar C’horf.
Mæs ar voyen da bardouni,
Ar voyen da restitui ?
Penaos e padign-me da yun
Martez' epad meur a sizun.
An Ene.
Tavit, va mignon, tavit crenn,
Ha pa ve hir ar binigen,
M’ar bez ho calon guir douchet,
E greot hep poan ebet.
Ar C’horf.
Qasi c’hoant am be da senti,
Ha da Zoue oll en-em rei ;
Hoguen aoun vras a meus bepret
Rac eur binigen re galet.
An Ene.
Ar varn diveza, ar maro,
Eus an ifern an tan garo
A dle hon lacât da grena
Mui eguet poaniou ar bed-mâ.
Ar C’horf.
Red eo ta mont, ha mont a rign
D’ar mission abarz ar fin ;
Hoguen nêc’het oun pa sonjan,
Rac près labour a meus breman.
An Ene.
Va Doue, hor brassa labour
A dje beza d’en-em sicour
Da vesa dibec’h deiz ha nos
Evit gounit ar barados.
Ar C’horf.
Me oar er-vad an traou-se oll ;
Mæs lezel ar madou da goll,
Lezel an traou en abandon
Evit ober ar mission !
An Ene.
Guel eo’ve collet oll ar bed
Eguet na ve great ur pec’het ;
Rac, ma couezomp en infernou,
Pe’dalvezo deomp hor madou.
Ar C’horf.
Mad, quenta retred a vezo ;
Me bromet dit me a yelo ;
Ha me lacaï urz vad neuse
Em buez gant sicour Doue.
An Ene.
Ha te vezo beo neuze ?
Ha t’ez pezo guel volonte ?
Pet den a so bet surprenet
Gant ar maro en e bec’het !
Ar C’horf.
Feaz oun ; pelloc’h mui ne bledign
Ar virionez zo treac’h dign ;
Mignonet, pedit evidon
Ma rign er-vad va mission.
| 