En den iouank hag en den dimeet - 2 - En den dimeet

Revue de Bretagne et de Vendée, 1893
◄   En dén iouank hag en dén diméet - 1 - En dén iouank En dén iouank hag en dén diméet - 2 - En dén diméet Er melinér iouank   ►



EN DEN DIMÉET


————


1. — Disul vitin pe oen sauet, — ma oé daibret me leign,
Mé monet d’hobér ur balé, — ur pourmen ém jardrin.

2. — Mé monet d’hobér ur balé, — ur pourmen ém jardrin,
Ha me gavas un einig rous, — ar ur bar é kanein.

3. — En einig-sé, ar é varig, — joéius-kaër e gané,
Ha mé, é chonjal em iouankis, — ha mé me huanadé.

4. — Ean oueit ha laret : « Dén iouank, — perac é huanadet ?
Ha hui e huès poén a galon, — pé tremant poén a spred. »

5. — — Mé ne mès chet poén a galon, — naren, na poén a spred :
Ouilein e hran d’em iouankis, — d’em iouankis kolet.

6. — Kerhet hui enta einig rous, — ha pe huès diwaskel,
De glah d’ein-mé me iouankis, — hoah ur huéh kent meruel,

7. — Ha me rei d’oh, aveit hou poén, — er péh e garehèt,
Me rei d’oh hag eur hag argand, — en dra e larehèt.

8. — Dalhet guet-n-oh, dénig iouank, — hou argand hag hou eur :
Ol en dané ag er bed men — ne rant ket er boneur.

9. — Er iouankis zou un dra kaër — er haëran zou èr bed,
Mœz er huéh mé tér ag er hol, — n’hellér mui er havet.