Enor ha gloar da virviken (1934)

Oberennoù damheñvel pe handelvoù all zo ivez, gwelout Enor ha gloar da virviken.

Kantigou brezonek eskopti Sant-Brieg ha Landreger

A. Prud’homme, 1934 (p. 22-23)

N° XIX. — Enor ha gloar.

$\version "2.22.0" \score { \new Staff { \relative c'{ \clef treble \key bes \major \tempo 4=72 \time 6/8 \partial 8*4 f8^\markup { \italic "Diskan"} bes( a) g f4 f8 bes( a) g | \break f4 f8 bes4 g8 | f4 d8 ees( f) g | f4 f8 bes4 c8 | d4 ees8 c4 d8 | bes4 r8\fermata \bar "||" f g a | bes4. f8 g a | \break bes4. a8 bes c | bes4 f8 d4 ees8 | f4. f8 bes a | g4 c8 bes4 a8 | bes2\fermata \bar "|." } \addlyrics{ E -- nor ha gloar da vir -- vi -- ken da Je -- zuz -- Krist Dou -- e ha den Rou -- e Tad e grou -- a -- du -- rien. Krou -- et en deus bet an ae -- lez d’e ser -- vi -- ja gant le -- ve -- nez d’hon mi -- rout dalc’h -- mat ha bem -- dez } } \layout { indent = #00 line-width = #125 ragged-last = ##t } \midi { } } \header { tagline = ##f }$

Diskan

Krouet en deus bet an aelez
d’e servija gant levenez
d’hon mirout dalc’hmat ha bemdez
Dre nerz e vrec’h hollc’halloudus,
E hadas ar stered lintrus,
Tro-war-dro d’e dron peurbadus.
Eur gomz hepken hag e teuas
An dour da veza ar mor bras :
Dizec’h an douar a chomas.

War ar parkou noaz hag hudur
Kerkent e ledas a glazur,
Bleuniou ’n e douez ha magadur.
An den ivez ’zo graet gantan,
Kement hon eus a zo d’ezan,
Koulz er bed all hag er bed-man.
E deiz ar Varn, hen a hejo
Hag a zrailho ’vel ma karo
Heol ha stered, bev ha maro.
O Pegen krenv dourn hon Roue !..
Krenvoc’h e gavan koulskoude
Pa sonjan en e garante(z).
Diskenn ’ra ’n eur c’hraou evidomp,
Paour ha sempl e vev eveldomp,
E vouez a gelenn ac’hanomp !
Mervel a ra war ar C’halvar
Evit bugale ken digar
Stag’ o c’halon ouz an douar !
Chom ’ra dalc’hmat war an Aoter
Dindan spesou mut ha dister,
Gant aon da sponta ar pec’her !
Ha goude eun nebeut poaniou,
Skanvaet gant e holl c’hrasou,
E tigor d’imp dor an Nenvou !
Mari e Vamm hag hon Mamm vat,
Deut ganimp da drugarekaat
Jezuz hon Roue hag hon Tad !