|
I
1. — — Me haniterw, merh me morèb (ter),
Guet-n-ein d’er filaj é tehèt.
2. — — Guet-n-oh d’er filaj n’en d’ein quet,
Ke me hoén n’en dé quet daibret.
3. — « Ke me hoén n’en dé quet daibret,
Na me seud gouéreit n’en dint quet »
4. — — Me haniterw, merh me morèb,
Guet-n-ein d’er filaj é tehèt.
5. — — Dalhet te laret mar karet,
Guet-n-oh d’er filaj n’en deint quet.
6. — « Tihoel é ’n noz, dôn er pouleu,
A zeur me gargou mem boteu.
7. — « En amzér zou kri ha kalet,
Me mam n’hum lausk quet de honet. »
8. — — Me haniterw, merh me morèb,
Guet-n-ein d’er filaj é tehèt.
9. — « Guet-n-ein d’er filaj é tehèt,
Hou mam hou lauskou de zonet. »
10. — — Me merh, hou koén pe vou daibret,
Kerhet d’er filaj mar karet,
11. — « Kerhet d’er filaj mar karet,
P’en dé guet hou kanderw é het : »
II
12. — Er plah neoah e huanadé :
É halon oé lan a dristé.
13. — P’oent é honet ar en trezeu :
— « Me handerw kér, cheleu, cheleu.
14. — — Me handerw ker, cheleu, cheleu :
Ne houian ket petra me gleu.
15. — « Me gleu en deur doh hum bilat
Hag er piguet é kraguellat. »
16. — — Me haniterw deit hui brepet,
« Pen don guet-n-oh, ne zoujet quet.
17. — Pe oé ar en hent é honet,
Hé mouchet en dès goulennet.
18. — — Ne pas, me mouchet n’hou pou quet,
Chomet é ém hredans pléguet.
19. — — Ama, mar dé chomet er guér.
« Hui brestou d’ein korn hou tantér.
20. — — « Korn men dantér hui n’hou pou quet,
Ke barlen mem broh ne tal quet.
21 — — Nan’ talé quet barlen hou proh,
« Bout zou hoah un aral guet-n-oh.
22. — « Ha diw arale huès ér guér ;
« A nehai n’hou pou mui dobér. »
23. — E korn hé dantér é krogas,
Ar dro hé fen en er roltas.
24. — Ar dro hé fen en er roltas,
É pont Sant-Drein en hi zaulas.
25. — É pont Sant-Drein dès hi zaulet,
Guet hé heguel dès hi plunjet.
26. — En torfèt zou bet hanaùet :
Bout oé unan doh er selet.
27. — Bout oé unan doh er selet,
Kuhet én ur bodig hallek.
28. — — Bonjour d’oh, tud vad én ti men,
Filaj kaër zou guet-n-oh amen.
29. — — Filaj kaër zou, mœz guèl vehé,
« Pe vé hou kaniterw eüé.
30. — — Me haniterw hi n’en dei quet :
Hi mam n’hi lausk quet de zonet.
31. — Penaus vehé dehi donet ?
« E ma é pont Sant-Drein béet.
32. — « E ma é pont Sant-Drein béet,
« Hou torfèt e zou hanaùet.
33. — « Hou torfèt e zou hanaùet :
Bet oé unan doh hou selet ;
34. — « Bet oé unan doh hou selet,
Kuhet én ur bodig hallek. »
35. — — P’em behé gouiet en dra zé,
Bé groeit kementral d’oh eùé.
36. — Ean oueit nezé én désanspoér,
Lakeit en tan é pedair kér.
37. — Pedair kér en dès bet losket,
Hag open melin Kerverùét.
|
![\version "2.16.2"
\header {
tagline = ##f
}
\score {
<<
\new Voice = "kan" {
\autoBeamOff
\relative c' {
\clef treble
\key d \major
%\set Staff.instrumentName = \markup {\huge \bold I.}
\time 2/4
%\partial 8*3
%\set melismaBusyProperties = #'()
\override Rest #'style = #'classical
%\tempo \markup {\italic Moderato} 4=108
r4 d | e8 fis g4 | a8 g a4 | e8 [fis] d4 | \break
e8 fis g4 | a8 g a4 | e_\fermata d | e8 fis g4 | \break
a8 g a4 | e8 [fis] g4 | fis8 d e4 | fis8 g fis [e] | d4 r \bar "|."
}
}
\new Lyrics \lyricsto "kan"
{
Me ha -- ni -- terw, merh me mo -- rèb,
Me ha -- ni -- terw, merh me mo -- rèb,
Me ha -- ni -- terw, merh me mo -- rèb,
Guet -- n-ein d’er fi -- laj é te -- hèt.
}
>>
\layout {
% indent = #00
line-width = #140
%ragged-last = ##t
}
\midi {
\context {
\Score
tempoWholesPerMinute = #(ly:make-moment 96 4)
}
}
}](http://upload.wikimedia.org/score/b/8/b8pwm4cktfcmr93thcxw6ca21chx92l/b8pwm4ck.png)
