Er hombat spirituel/Chapistre 02
N difiance a hanomp hun hunan e zou quen necessær ér hombat spirituel, m’en dé impossibl, hemp er vertu-zé, feahein non-pas hemp quin hun anemiset ol, mæs sourein ar hun goal-inclinationeu er ré distéran. Er uirioné-ma e zeli bout scrihuet don én hun isprit ; rac a bout nen domp meit nitra pur, é léh pellat dohomp en istim a hanomp ni-memb, éma hum istimein e ramp ha credein hemp ræson er bet é omp un dra benac. Er vice-men e zou er freh a hun natur corromplet ; mæs sel mui men dé naturel, sel mui a boén é zou doh en hanàouet. Doué pehani e uél tout, er sel èl un dra abominabl dirac é zeulegat, rac é volanté é na vehemp quet én arvar penaus nen dès na vertu na græce er bet énomp ne za a nehou é hunan, el ag er vamen ag en ol madeu, ha nen domp quet capabl d’hur bout ur chonge hemp quin e ellehai pligein dehou, hemp er secour a é hræce.
Mæs a bout éma en difiance a hanomp hun hunan un donæzon ag en Ean e ra Doué d’é amiet, gùéhavé dré é inspirationeu santel, gùéhavé dré drebilleu forh chiffus, gùéhavé dré dantationeu a beré é ma diæz donnet de bén, ha dré voyanteu aral cuhet dohomp ; é volanté é neoah ma rehemp a hun tu tout er péh e ellehemp aveit hun bout ean. Ni hun bou ean sur, mar impléamp erhat, guet er secour a hræce Doué, er puar moyant a beré é han de gonze.
Er hetan-é laquat dirac hun deulegat hun izeldæt, hac hanàuein penaus dré hun nerh prope n’ellamp tra vat er bet, pas memb en distéran, eveit en Ean.
En eil-é goulen guet Doué guet hilleih a humilité hac a duemdér er vertu precius-zé, rac hanni meit hou ne èll hé rein demp. Ni avouéou de guetan penaus n’hun nés quet hi, ha non-pas en dra-zé hemp quin, mæs penaus a hanamp hun hunan n’hun nés guellout er bet aquerh eveit hur bout hi. Ni hum daulou goudé doh treid hur Salver, ha ni hé goulennou guetou liès a uéh guet un espérance ferme é vehemp receüet mat, meit ma hortehemp guet patiantæt er freh a hur pedenneu, ha ma talhehemp de bedein quehet èl ma pligeou d’é brovidance.
En drivet-é hum accustumein a nebeudigueu de hum zifiein a hanamb-ni-memp, de zougein hun fantasie prope, en inclination criue en dès hun nature aveit er péhet, en nombre bras hac eahus ag en anemiset peré en hum guemer dohomp a guement tu e zou ; finoh int, armetoh int ha criuoh int hemp comprage eveit omp ni, gouïet e rant hum guhein édan en apparance a ælet lein a sclerder, ha stennein e rant demp laceu partout dré en hent a salvedigueah.
Er buarvet-é, sel gùeh ma commetamp ur faute benac, hum dennein énomp hun hunan aveit considerein guet attantion bet mén é ha hun goannedigueah, rac Doué ne bermet hun lameu, nemeit eveit ma hum hanàuehemp splannoh ha gùel eveit jamæs ; nemeit eveit ma tisquehemp hum zisprisein el tut distér, ha ma tezirehemp a zevri-cair bout dispriset guet er real ; hemp en dra-zé ne zeliamp quet esperein hun bout jamæs en difiance a hanomp hun hunan pehani e zou diazéet ar en humilité hac ar en hanàuedigueah hun nès a hun misér.
Én effet, piue-benac e venn tostat d’er uirioné a ol viscoah, d’er vammen a ol sclærdér, ret é dehou hum hanàuein erhat ha non-pas bout èl er ré presomptuus peré e hum zisque dré ou lameu prope, peré e gommance digueorein ou deulegat a pen mant couéhet én un disordre méhus benac hac hemp perdér ; Doué e bermet quement-cé eit ma santeint péh quer goan int, ha ne fieint quet mui ar en nerh e chougeant ou dès ; mæs Doué n’en hum chervige ag ur remæd quen rust aveit gùellat ou fionnage, meit a pe uél penaus real æssoh ha douçoh n’ou dès cherviget de nitra.
Open ean e bermet ma couéh mab-dein muioh pé bihanoh, revé men dès muioh pé bihanoh a orgueil, ha mar hum gavehai unan benac quen dibeh ag er vice-zé èl m’ema bet er Uériès santel, me lar hardeh-mat penaus ne gouéhehai gùéh er bet. A pe arriue enta ul lam benac guenoh, hou pet recour quentéh d’en hanàuedigueah a hanoh hou hunan, pedet liés hur Salver de reign deoh é ùir sclærdér, a sel-fin ma hum hanàuehet él ma oh dirac é zeulegat, ha ma cessehet a fiein ér mod-cé én hou vertu ; petremant hui e gouéhou én dro ér memès fauteu, ha martezé é real brassoh peré e vou er hol antier a hou inean.