| ◄ É peh fæçon é ma ret combatal einep d’er goal-inclination, ha peh acteu e zeli gober er volanté eit hi devout en accustumance ag er vertuïeu. | Ag er peh e zou ret gober a pe seblante bout feahet er volanté, hac hemp nerh de resistein doh er goal-inclination. | Aviseu aral forh profitable eveit goud er fæçon de gombatal erhat, peh anemiset e telier attaquein, ha dré peh vertu e eller ou feahein. ► |
Er hombat spirituel/Chapistre 14
CHAPISTRE XIV.
Ag er peh zou ret gober a pe seblante bout feahet er volanté, hac hemp nerh de resistein doh er goal-inclination.
AR cave guenoh guéhavé éma rai hoan hou volanté eit resistein doh er goal-inclination ha doh anemiset aral peré e ra ou fossible eit mæstrein ar nehi, ha ma ne santet quet nezé hou pout courage ha resolution assès eit derhel pén doh-t’hai,
dalhet ferme attàue, n’abandonet quet er hombat, pen dé delé deoh credein é oh victorius, en dre nen dès apparance er bet é oh feahet a querh. Én effet él n’en dès hou volanté dober erbet a goussantemant en inclination eveit gober hé chonge, ehué deusto d’er hontraign e ra dehi en anemis interior-zé, hi e gonserve perpet en usage antier a hi liberté ; rac a bout en hum laquehé énep dehi en ol squendeu naturel, en ol diauleu, en ol treu crouéet ansambl, er pouvoër hac en autorité hé dès receuet guet er Hrouéour e zou quer resolus ha quer bras, ne vé nitra capabl de barrat doh-t’hi a hober pé a chom hemp gober er peh e vènn pé er peh ne vènn quet, quel liès guéh ha quehet amzer, guet en intantion hac ér fæçon ma plige gueti.
Mar goasque guéhavé en tantation arnoh hac én ur fæçon ma havalehai n’en devehé quet hou volanté ol en nerh necessær aveit resistein doh-t’hou, rac m’ema nehi goann ha quasi feahet, dihoallet mat a gol courage hac a durul en armage. Criet ahoel ha dihuennet, en ur laret d’en tantatour : Téh a vaman, Satan, rac gùel é guenein merhuel mil gueh quentoh eveit coussantein d’ha soliteu infam. Groeit èl un dein e hum foett guet un anemis ahurtet, ha croguet én hou. A pe uél ne èll quet en trezein guet bêg é glean, ean e sco ar nehou guet hé bourbon pé pomellèn, partout él lèh ma èll. Sellet penaus e ra é bossible eit hum zibarassein, penaus é tenn ardran ur pas benac ha penaus éta én dro ar é anemis eit rein dehou en taul ag er marhue. En dra-zé e zisque deoh hum denn liès en hou interior eit considerein nen doh nitra a hanoh hou hunan, ha n’ellet nitra ; eit bout goudé lein a gonfiance é ol-buissance en eutru Doué ; eit combatal ha feahein anfin guet er secour ag é hræce hou inclination mignon. Nezé éma ret teoh laret : Secouret-mè, men Doué, secouret-mé, Jesus ha Marie, n’abandonet quet hou sérvitour : reit deign er græce de resistein doh en tantation.
Mæs a pe ra en anemis amzer deoh, galhuet hou antandemant de secour hou volantè, reit nerh dehi dré gonsiderationeu capable de zegasse courage ha buhé dehi ér hombat. Mar doh, par exampl, persecutet é faus, pé affliget én ur mod benac aral, hac ér melconi é pehani é oh, mar hum santet douguet d’en dibatiantæt bet-ac ur poent n’ellet mui andur nitra, groeit hou possible eit quemer courage, en ur hober a zevri reflexion ar en articleu-man ha réral haval doh-t’hai.
1. Sellet a ne hoès quet melitet en droug e souffret, hac a ne hoès quet ean tennet hui-memb arnoh ; rac mar dé dré hou faute éma deit deoh, er ræson e venn ma andurehet guet patiantæt ur gouli en dès groeit teoh hou tourn prope.
2. Mæs é câs n’hou pehai d’um reprochein a nitra ar en dra-zé, taulet hou teulagat ar hou tisordreu passet a beré justice Doué nen dès quet hoah hou punisset, pé a beré ne hoès quet hoah groeit ur benigen jaugeable ; hac en ur uélet penaus é change Doué dré é visericorde er poénieu e hoès melitet, peré e requehai bout pé hir-bras ér purgatoër, pé éternel én ihuern, en ou change é reral distéroh ha berroh, receuet hai enta non-pas hemp quin guet patiantæt, mæs memb guet joé ha guet acteu a drugairé.
3. Mar credet, ha bout e vehai hemp ræson e credeheoh, ne hoès quet commettet paud a fauteu, hac en e hoès groeit hilleih a benigenneu, hou pet chonge penaus n’eller antréein é ranteleah en Ean meit dré en or einq ag en trebilleu.
4. Chonget opèn, a bout e vehai possible deoh antréein én hi dré un or aral, el lezen hé hunan ag er bur garanté e requehai lemel guenoh en desir hac er chonge a guement-cé, rac Mab Doué hac en ol Sænt e zou oueit d’ino en ur zouguein ou hroez, ha dré un hènt goleit a spern.
5. Mæs er peh e zou ret sellet principalemant aman hac é quement tra zou ol, é volanté Doué pehani hou câr quement, ma quemerou ur blijadure hemp hé fâr doh hou cuélet é pratiquein er vertuïeu guet vaillantis bras, hac é tiscoein dré hou courage ha fidelité é hanàuet er garanté en dès en hou quevér. Gouïet opèn penaus sel injustoh ma vou er persécution a du en hani e rei deoh hé andur, ha par consequant sel crioh de zouguein ma vou ag hou tu hui, sel estimetoh vou guet Doué hou perseverance ; rac é creis en trebilleu hui adorou é jugemanteu, hui e soublou édan é brovidance, pehani e dro de vat en treu chiffussan e arriue, hac e ra ma chervige d’hun salvedigueah cas ha malice hun anemiset.