| ◄ Bout zou é mab-dein estroh eveit ur volanté peré e zou hemp cess contrel en eil d’éguilé. | É peh fæçon é ma ret combatal einep d’er goal-inclination, ha peh acteu e zeli gober er volanté eit hi devout en accustumance ag er vertuïeu. | Ag er peh e zou ret gober a pe seblante bout feahet er volanté, hac hemp nerh de resistein doh er goal-inclination. ► |
Er hombat spirituel/Chapistre 13
CHAPISTRE XIII.
É peh fæçon é ma ret combatal einep d’er goal-inclination, ha peh acteu e zeli gober er volanté eit hi devout en accustumance ag er vertuïeu.
PE santamp é vé Doué hac er hicq é tihuen d’er par évi pehani en devoa hun halon, chetu er moyandeu é teliamp quemer aveit gober d’er victoér pléguein a du guet en eutru Doué.
1. Quentéh èl ma commance er goal-inclination hum seüel einep d’er ræson, ret é bout sourcius de vouguein é zirangemanteu quetan, guet eun ne zehai er volanté a coussantein dehai.
2. A pe vou distannet en dirangemanteu-zé, guellein e rer ou lezel de seüel én dro, eit en devout occasion de gombatal hoah ur uèh einep dehai guet muioh a nerh aveit quênt.
3. Mat é memb gober dehai donnet hoah én dro eveit combatal einep dehai un dairvet guéh, hac hum accustumein dré éno d’ou féellat ha d’ou disprisein muioh-mui. Remerquamb neoah penaus ne faut quet hum gomportein én diüe fæçon deuéhan-zé einep d’en dirangemanteu ag er hicq a beré e conzehemb é léh aral : nac ou lesel, nac ou attahignal ne faut.
4. Anfin un dra a gonsequance bras é, gober acteu a vertuïeu contrel d’er viceu e fal deoh distrugein. En exampl e yan de laret e vou ur prouf splan a guement-cé.
En dibatiantæt hou casse hac hou tigasse martezé. Hum dennet én oh hou hunan, ha consideret ol er peh e basse én hou interior. Hui e uelou hemp doutance én la ag er goal imur éma deit er chagrin pehani e ra é bossible eit gouni er volanté hac en antandemant. Nezé en ur heliein er hetan avis e mès reit teoh, groeit tout er peh e ellehet aveit nen dei quet pelloh, hac aveit parrat ma vou gouniet er volanté guetou. Dihoallet a guittat er hombat bet que ne vou discaret hou anemis ha contraignet él marhue de bléguein édan er ræson.
Mæs sellet finesse istrange er goal-speret. A p’hou cuél é resistein guet courage doh ur goal-inclination benac, discuehein e ra ag en huéhein én hou calon, hac opèn mar er hav allumet deja én hi, ean e ra é bossible aveit el lahein eit un amzer. E chonge é parrat dohoh a ouni, en ur zerhel ferm, er vertu contrel d’en inclination fal hont, ha degasse goudé én hou isprit santimanteu a vanité, en ur hober deoh credein en e hoès, èl ur soudart vaillant, feahet en anemis é ber amzer. Ret é enta ma combatehet einep dehou èl er uéh quetan, ma tegassehet én dro én hou memoër er chongeu e zou bet caus teoh d’hum chagrinein, ha de gol er batiantæt, ha ma laquehet ol nerh er volanté eit ou mouguein quenteh èl ma santehet er goal-imur é verhuein én hou pèn.
Mæs él ma arriue liès, penaus goudé en devout labouret eit pellat en anemis, é chongeal éma un obligation quement-cé, hac un dra agreable de Zoué, penaus, a laran, ne ver quet neoah ér méz a zanger a vout feahet én un drivet attaque, hui a zeli hoah ur uèh monet én dro d’er hombat énep d’er vice a behani é fal deoh hum zibarassein, ha quemeret non-pas hemp quin câs, mæs disprisance hac horreur doh-t’hou.
Anfin eit pourvaiein hou inean a vertuïeu hac eit ma vou forh æs teoh en usage santel a nehai, ret é gober liès acteu ag er ré contrel d’hou coal-inclinationeu. Par exampl, mar fal deoh hou pout un douster parfæt én occasioneu a zibatiantæt e rer deoh, a p’hou tispriser, ne chonget quet éma assès impléein en tri sorte armeu a beré é tamb a gomps, eveit feahein en tantation, ret é opèn cârein en disprisance e rer a hanoh ; desirein bout dispriset liés ér fæçon-zè ha dré er memès tut ; bout ér resolution d’andur hoah anjulieu brassoh.
Er ræson eveit pehani n’eller hum berfectionein ér vertu a vihannoh en acteu-zé contrel d’er viceu e venner corrigein é rac en ol acteu aral, a bout int forh vat, ha bras mat en nombre a nehai, ne fehent quet neoah lemel en drouc bet-ac er gouriad. El-cé (eit ne vou quet changet a exampl), a bout ne goussanteheoh quet d’en houladeu coler e za deoh a p’hou tispriser, hac é tihuenneheoh memb én tair fæçon hun nès laret, gouïet neoah penaus nen dehet jamæs elsé de bèn a ziouriennein a hou calon en dibantiantæt pehani e za ag un doujeance rai vras a vout dispriset, hac ag un desir rai vras de vout istimet, naren jamæs, ma n’hum hroet d’andur en anjulieu guet joé, dré garanté doh Doué. Rac anfin en-tré chommou er hourien fal-zé én hou inean, hi e vontou attàu, hac hou vertu e hoannei ; marsé memb guet en amzer hui hum gavou dibourvai ag en ol vertuïeu hac én un danger continuel de gouéh malhurusemant én dro én hou tisordreu passet.
N’esperet quet enta hou pout jamæs er vertuïeu son, ma ne zistruget er viceu contrel d’er vertuïeu e fal deoh hou pout, en ur hober liès acteu ag er memb vertuïeu-zé. Me lar liés : rac él éma ret couéh ér pehet estroh eveit ur uéh eit quemer ur fal accustumance, ret é ehué estroh eil un acte a vertu eit quemer un accustumance santel ha parfæt. Requein e rer meme un nombre brassoh a acteu vertuus eit formein un accustumance santel, eveit ne requer a behedeu eit formein ur fal accustumance, rac en nature corromplet e nerhussa perpet en dehuéhan-men hac e oanna en aral.
Remerquet opèn penaus ma n’ellet hou pout er vertu e fal deoh pratiquein, hemp gober acteu dianvès ré haval doh er re interior, èl ma arriue ér batiantæt, hui é zeli non-pas hemp quin conz guet charité ha doustér, mæs rantein pep sorte chervige d’en hani en devou hou coal trætet én ur fæçon benac. Ha deusto péh quer goann é tisco bout en acteu-zé, ha peh quer bras perderi hou pehai doh ou gober, evehet mat neoah a ou disprisein ; rac goann èl m’emant, hou harpein e reint ér hombat, ha chervigein bras e reint deoh eit douguein er victoér.
Veillet enta ar hon interior, ha n’en hum goutantet quet a vouguein en dirangemanteu er ré rustan a hou coal-inclinationeu, mæs mouguet bet-ac er ré distéran ; rac ordinæremant er ré-man e chervige de zisposition aveit er réral, a beré anfin éta er fal accustumanceu. Gout e ramp dré experiance penaus hilleih, faute a sourci de vortifiein ou goal-inclinationeu é fæd a dreu distér, deusto m’ou devoé bet er hourage d’ou mortifiein, é fæd a dreu é gonsequance, gout e ramp penaus a pe chongent bihannan é-mant bet attaquet rustoh eveit jamæs dré anemiset peré ne oai meit hanter feahet.
Aman e mès hoah un avis a gonsequance bras de rein deoh, hac e zou : mortifiein hou ç’inclinationeu én treu permettet memb, mæs peré nen dint quet necessær ; rac gouni e rehet hilleih dre éno ; ér reral e ellehet hum feahein æssoh ; donnet e rehet de vout nerhussoh ha courajussoh én tantationeu, hac agréaploh vehet hilleih d’en eutru Doué. Mé lar deoh é guirionné ér peh e chongean : ne scuéhet quet é pratiquein en exerciceu santel e mès anseignet deoh, hac a beré en e hoès dober eit reglein erhat hou interior, hui e zougou quent pèl ur victoér glorius arnoh hui memp, hui e brofitou hilleih ér vertu é berre amzer, hac é tehet de vout spirituel non-pas hemp quin a hanhue, mæs én effet hac é guirionné.
Mar quemeret moyandeu aral, hama, deusto peh quen excellant e tiscoant bout, peh quer bras plijadurieu spirituel e rehent deoh tanhoat, peh quer sterte union, e gredet e ellehent gober deoh hou pout guet Doué, beaih assuret penaus n’hou pou jamæs vertu erbet dalhable, nac er sciance ag er gùir santeleah pehani, èl m’hun nés ean laret ér hetan chapistre, ne gonsiste quet én exerciceu douce ha peré e ra contantemant d’en natur, mæs ér ré hi horrige hac hi mortifie guet hé inclinationeu hac hé desirieu disordre.
El-cé é ha mab-dein, changet mèi a ziabarh én un dein aral dré er vertuïeu en dès gouniet, é ha bet-ac hum joentein doh é Grouéour ha doh é Salver staguet doh er groez. Rac-cé nen dès quet leh de zoutein penaus èl mèi ag er volanté a pe goussante liès a uèh d’er goal-inclination, é ta hun fal accustumanceu, él-cé er vertuïeu a grecheneah e za demp-ehué a pé hum hroa er volanté doh cani en eutru Doué pehani hé solite guéh d’ur vertu, guéh d’ur vertu aral.
El n’èll quet enta er volanté bout criminel, deusto d’en nerh e laqua er goal-inclination eit hi horompein, meit hac hi e goussantehai, n’èll quet ehué nehi bout santel ha joentet doh Doué, deusto peh quer nerhus vé er græce pehani hé zenn, meit hac hi e goussantehai d’er græce-zé dré acteu interior ha memb dianvès, mar be ret.