Er hombat spirituel/Chapistre 24
EAT mab-dein en dès dober bars a vout dalhet, rac bourrein e rer dré natur é comps ag en treu e ra plijadur d’er squiendeu.
Divoderage en teat e za ordinærement ag ur certæn orgueil pehani e ra demb hum gavouet calz abilloh eveit ma omp ; hac én ur admirein hun chongeu prope, en ou laramp guet plijadur, én diviseu e souramb drest er réral, hac é fal demb bout cheleuet guet en ol.
Impossibl é comprenein é berr guirieu ol en drougueu e za ag er vice abominable-zé. Guellein e rer laret é general éma er pèn caus d’en arhouaregueah ; éma ur merche ag un amhouyance hac ur folleah bras ; é-scleige ar é lerh er goal-gonsereah hac er gueu ; é yeinna en devotion ; é ra nerh d’er goal-inclinationeu, hac é accustum en teat de laret hemp quin comps væn hac a laca de boès.
Aveit hum gorrigein, chetu er peh e gonseillan deoh gober ; ne gompset quet rai, na dirac er ré n’hou cheleu quet a volanté vat, guet eun ag ou annaiein, na dirac er ré e guemer plijadur doh hou cheleuet, guet eun mar achapehai guenoh un dra benac dijauge en hou tiviseu ; dihoallet mat a gomps rai ihuel, ha guet un ton a autorité, rac quement-cé e zisplige d’er ré e gleu, ha discoein hilleih a bresomption e ra.
Ne gompset jamæs a hanoh, nac a hou ceré, nac ag er peh e hoès groeit, nameit hac ean e vehai requis ; hac a pe vou ret teoh er gober haval guenoh, ret é ma vou é béer guirieu ha guet hilleih a arrestance. Mar cavet un dein e gomps hilleih a nehou é hunan, n’en dispriset quet eveit en dra-zé ; mæs dihoallet mat a hober él-d’hou a bout ne larehai nemeit er peh e ellehai chervige de rein hanàuedegueah a é fauteu ha méh dehou. Ne gompset meit bihannan ma ellehet ag en nessan hac ag en treu er séel, nemeit p’um bresantehai en occasion de laret mat a nehou. Compset a Zoué a volanté vat, drès peb tra ag é garanté é quever en ol dut, mæs guet eun é gompse a nehou én ur fæçon dijauge, cheleuet quentoh er peh e larou er reral a nehou ha groeit hou possible eit derhel chonge ag er peh e gleuéhet guetai.
Aveit en diviseu profane, mar dant bet-ac hou tiscoharn, n’hou lausquet quet d’antréein én hou calon pehani e teli bout tout de Zoué ; mæs é cas ma veheoh obliget de cheleuet en hani e gompse, eit guellout respond dehou, chonget perpet én ean pehani e zou ranteleah hou Toué, hac a béleh er vajesté infinie hont ne zispris quet turul hé séel ar hou izeldæt. Examinet erhat er peh e fal deoh laret, eveit ma tei ag er galon ar hou téat. Auéheit, a guement ma ellehet, doh hou compseu, rac m’um gavou én hæ berpet hilleih a ré mat de lemel, hac a bout en hou pehé choégét peh e vou d’hou chonge deliet teoh laret, lamet atàu lod, rac ér fin hui e gavou hoah en hou pou laret rai.
Er silance e chervige hilleih ér hombat spirituel, hac er ré er goarn e éll bout assuret ag er victoér. Ehué int ou dès ordinæremant en difiance a nehai hou hunan, er gonfiance é Doué, gred eit en oræson, hac un æsemant bras é pratiquein en exercice ag en ol vertuieu.
Aveit cârein er silance, consideret er madeu bras e za a nehou, hac en drougueu infini e za ag el langagereah. Me lar opèn, mar fal deoh hum accustumein de laret bihan dra, tàuet a pe hoès même ræson de gompse, meit ne rei quet hou silance gueu erbet na deoh-hui, na doh hou nessan. Péelleit drès peb tra doh en diviseu profan ; hum antretenet guet en ælé, guet er sænt, guet Doué memb quentoh eveit guet en dut. Anfin chonget ér brésel a behani en e hoés quemeret er sourci ; hac é léh cavouet amzer de hum antretenein én ur fæçon nen dé mat de nitra, a boén en hou pou amzer de zihostal.