| ◄ Ag er fæçon de reglein erhat en teat. | Soudart J.-C., resolus d’ober brésel d’é anemiset ha d’ou feahein, e zeli gober é bossibie eit évehat doh er peh e ellehai troublein er peah a é inean. | Petra e zou ret gober a pé receuer ur gouli benac ér hombat spirituel. ► |
Er hombat spirituel/Chapistre 25
CHAPISTRE XXV.
Soudart Jesus Chrouist, resolus d’ober brésel d’é anemiset ha d’ou feahein, e zeli gober é bossibie eit évehat doh er peh e ellehai troublein er peah a é inean.
P’HUN ès collet er peah ag er galon, é teliamp laquat poén ha sourci eveit hé recouvrein : mæs ne vern petra arriue ér bed-man, nitra nen dé capable d’el lemel guenemb, na d’en troublein en drespet temp. Ret e demp, guir é, hur bout quæ a hun fauteu ; mæs er hæ-zé e zeli bout tranquil ha douce, èl m’em ès ean laret liès. Ret é ehué ma hun bou truhé doh er béherion aral, ha ma hirvoudehemp d’er bihannan a balamor d’er holl a nehai : ret é hoah ma vou tiner hun truhé, mæs ne faut quet ma vou caus temp d’hum droublein ha d’hum chagrinein, p’en dé nehi un effet ag er charité hemp quin.
Eveit un anfin a zrougueu de beré é homp sujet ér bed-ma, èl m’éma er hlinhuédeu, er goulieu, er marhue, er holl a hun amiet hag a hun hérènt, er vocèn, er brésel, er loskeu, hac hilleih a accidanteu chiffus aral e zouge en dut èl contrel d’en natur perpet anemis d’er souffranceu, guellein e ramp guet er secour ag er græce, non-pas hemp quin ou receu a zourn en eutru Doué, mæs memb hum rejouissein a nehai, doh ou sellet pé èl punission salvus eveit er béherion, pé èl occasioneu a velite eveit er ré juste.
En ihue gonsideration-zé e ra d’en eutru Doué memb quemer plijadur doh hun affligein ; mæs certæn é penaus en-tre rehemp volanté Doué, ha ma soublehemp edan d’hi, é chommehemp guet un isprit tranquil é creis en afflictioneu er ré rustan. Gouiet opèn é tisplige dehou peb sorte néhance, rac ne vern petra zou caus, nen dé quet jamæs hemp ur si benac, hac é ta berpet ag ur fal vammen pehani e zou en amour-propre. Assæet enta hanàouet a ziabel er peh e èll hou néhancein, hac en hum breparet é cource d’er supportein guet patiantæt. Consideret penaus en drougueu presant, ne vern peh quen terribl é tiscoant bout, nen dint quet capabl d’ober demp diover er madeu véritabl ; arriue e rant guenemb a berh Doué, pé dré é bermission eveit er ræsonieu hun és laret, pé eveit réral peré e zou cuhet dohomp, mæs peré n’ellant bout meit rai juste.
En ur gonservein ér fæçon-zé un isprit perpet ingal é mesq en accidanteu differant ag er vuhé-man, hui e brofitou hilleih, hemp en dra-zé hou exerciceu nen deint jamæs de vat, ha ne dennehet profit erbet a nehai ; opèn, quehet m’hou pou un isprit néhançus, chomme e rehet én danger de vout insultet guet en anemis hemp guellout hanàuein pehani é en hènt sur ha veritabl e gondu d’er vertu. Er goal-isprit e ra tout er peh e èll eit ma vout collet peah er galon, rac goud e ra éma ér peah é chom en eutru Doué, hac éma ér peah é ra treu bras. Er peh zou caus dehou ma hum chervige a bep sorte finesse eveit el lemel guenemb, ha ma hum ziguis eveit hun sonprenein ; degasse e ra demb chongeu mat én apparance, mæs peré e zou fal én effet, hac e hanàouer doh hilleih a vercheu, drès peb tra rac ma troublant peah er galon.
Eveit remèdein doh un droug quen dangerus a p’hun doug en anemis d’ober pé de zesirein un dra benac a nehué, ne zigueoramp quet hun halon dehou quentéh ; groamp renonci quetan d’en ol gred e èll donnet ag en amour prope : offramb de Zoué en desir nehué-zé ; pedamp ean liés de rein demp d’hanàouet a ean e za a nehou pé ag er goal-isprit, ha n’ancoéhamp quet a gonsultein hun tad spirituel ar en dra-ze. A pen domp assuret memb éma a Zoué é ta un desir pehani um forme én hun halon, ne zeliamp quet um laquat én devér d’en executein, que n’hun hou mortifiet é raug en hivoull rai vras hun ès ma vou accomplisset : rac ur mortification er sorte-zé groeit é raug un œvre mat, er rante hilleih agréaploh de Zoué eveit pe vehai groeit guet ur gret hac un haste naturel, ha liès en œvre mat e blige hilleih bihannoh dehou eveit er mortification é hunan. El-cé én ur lezel en desirieu fal, hac én ur executein er ré vat goudé hur bout mouguet en hoant natur hun ès, conserve e rehemp hun halon én un dranquillité parfæt.
Dober e zou hoah eveit en dra-zé a zisprisein certæn rebraicheu interior peré, haval é, e za a Zoué, rac rebraicheu int e ra hun houssiance demb a zefauteu veritable ; mæs peré e za é guirionné ag er goal-speret, èl ma eller jugein dré er suiteu. Mar chervige er rebraicheu a goussiance d’hun humiliein, mar groant demb bout gredussoh ér pratique ag en œvreu mat, ma ne vihannant quet er gonfiance e zou ret hur bout é misericorde en eutru Doué, é teliamp ou receu ha trugairecat en eutru Doué a nehai, èl a hræceu ag en ean ; mæs mar hun taulant én trouble, mar discarant hun hourage, mar rant demb bout paressus, eunus, ponner é quever hun deverieu, é teliamp credein émeint soliteu a berh en anemis, ha gober èl en ordinær, hemp prisein cheleuet doh-t’hai.
Mæs opèn en dra-zé, èl ma ta liessan hun néhance ag en drougueu ag er vuhé-man, eveit hum zihuenn doh-t’hou, deu dra hun ès dober. Unan é considerein petra e èll bout distruget én omp dré en drougueu-zé, a ean e zou en desir d’er berfection, pé en amour prope é. Ma ne zistrugeant nemeit en amour prope, pehani e zou hun anemis capital, ne zeliamp quet hum glem a nehai, ni e zeli quentoh ou receu guet joé ha guet trugarécadeu, èl græceu e ra Doué demb, él secourieu e zegasse demb. Mæs mar dint capable d’hun distroein ag er berfection ha d’ober demb cassad er vertu, ne faut quet hum zigouragein eveit en dra-zé, na coll peah er galon, èl ma er guélehemp sondeu.
Un dra aral hun ès d’ober é sehuel hun speret dermaha Doué, ha receu hemp difforh er bet er péh e arriue gueuemb a é berh, én ur hanàouet penaus er hroézieu e bresante demp n’ellant bout eveit omp meit mamenneu ag un anfinité a vadeu a bere ne ramp cas er bet, rac n’ou hanàuamp quet.