| ◄ Petra e zou ret gober a pé receuer ur gouli benac ér hombat spirituel. | É péh fæçon en en dès er goal-speret er gustum de dantein ha de lorbein er ré e vènn hum rein d’er vertu, pé er ré e zou hoah abymet én droug. | Ag en ardeu a beré en um chervige en diaul aveit achiue col er ré en dès laqueit de gouéhel ér péhet. ► |
Er hombat spirituel/Chapistre 27
CHAPISTRE XXVII.
É péh fæçon en en dès er goal-speret er gustum de dantein ha de lorbein er ré e vènn hum rein d’er vertu, pé er ré e zou hoah abymet én droug.
N dra certein é penaus er goal-speret nen dès quin chonge meit de gol en dut, ha n’ou attaque quet ol ér memès fæçon. Aveit commance enta disolein deoh ur ré benac a é finesseu, me represantou deoh tut a bep sorte, revé er stad hac en dispositioneu é peré émeint. Bout e zou ré édan sclavage er péhet ha ne chongeant quet torrein ou liameu ; réral e gârehai erhat sorti ag er gaptivité-zé, mæs ne rant nitra eveit hum laquad é libertè. Réral e chonge bout én hènt mat, ha nezé é émant péellan doh-t’hou : réral anfin goudé bout arriue bet-ac ur basèn ihuel a vertu, e gouéh én ur fæçon dangerussoh aveit jamæs. Comps e rehemp ag en ol dut-cé ér chapistreu arlerh hanan.