| ◄ Soudart J.-C., resolus d’ober brésel d’é anemiset ha d’ou feahein, e zeli gober é bossibie eit évehat doh er peh e ellehai troublein er peah a é inean. | Petra e zou ret gober a pé receuer ur gouli benac ér hombat spirituel. | É péh fæçon en en dès er goal-speret er gustum de dantein ha de lorbein er ré e vènn hum rein d’er vertu, pé er ré e zou hoah abymet én droug. ► |
Er hombat spirituel/Chapistre 26
CHAPISTRE XXVI.
Petra e zou ret gober a pé receuer ur gouli benac ér hombat spirituel.
PEN hum santet blesset, de laret é, a pe uélet en e hoès groeit ur faute benac, pé dré fragilité, pé guet hanàuedegueah ha dré valice, ne hum affliget quet rai eveit en dra-zé, ne hum lausquet quet de monnet d’er chagrin ha d’en nehance, mæs hum adresset quenteh doh Doué, ha laret dehou guet ur gonfiance humble : Breman é, ô men Doué, en em és discoeit petra onn, rac a betra e eller bout ingortos doh ur hroaidur dal ha goan èl on, meit a gouéhel hac a fari ? Hum arrestet un nebet ar en dra-zé, a selfin ma hou pou méh én oh hou hunan, hac ur hæ bras a hou pehet.
Arlerh, hemp hum droublein, troêit tout hou coler einep d’er goal-inclinationeu peré e soure arnoh, é spécial einep d’en hani e zou bet caus teoh de gouéh ér pehet.
Men Doué, é larehet-hui, commettet em behai crimeu hilleih brassoh, quenavé m’hou poai me secouret dré hou madeleah infinie.
Goudé trugairequeit mil guéh en tad hont a visericorde, câret ean muioh eveit jamæs, é uélet penaus é léh um vangein ag en injur e hoès groeit dehou sonden, é astèn hoah é zorn deoh, guet eun ma couéheoh èl aben én un disordre benac er sorte-zé.
Anfin lein a gonfiance, laret dehou : Discoeit, ô men Doué petra oh : groeit ma santei ur pehour humiliet hou misericorde divin, ne bermettet quet ma arriuèi jamæs er malheur guenein d’um zispartiein ha de beellat dohoh, reit deign ur volanté ferme ne retournein mui d’er pehet dré hou cræce.
Arlerh en dra-zé, na yet quet d’examinein a Doué en dès pardonnet teoh pé n’en dès quet, rac clasque hum geinein eveit nitra, ha coll en amzer é quement-cé, ha bout zou ér fæçon-zé d’en hum gomportein hilleih a orgueil hac a drompereah a berh er goal-speret, pehani édan digaréeu cair, e glasque gober poén deoh. Elsé hum abandonnet de visericorde en eutru Doué, ha continuet hou exerciceu quen tranquil èl pe nou pehai commettet péhet erbet. A bout en hou pehai memb offancet Doué liés én un dé, ne gollet jamæs er gonfiance én hou. Pratiquet er péh e laran deoh, en eil, en dairvet, en deuéhan guéh, èl er uéh quetan : ç casseid er pehet hac hum zispriset perpet hui memb muioh-mui, ha beah gùel ar hou coard én amzer de zonnet. Er fæçon-zé de zihuenn doh er goal-speret e zisplige dehou hilleih, rac ma ouair é blige bras de Zoué, hac nen dès ean meit méh é uélet éma ean contraiguet de bléguein d’en hani memb en devoé feahet forh æs é occasioneu aral. Raccé en hum chervige a é ol finesseu eveit gober demp hé huittat ; ha liès é ta de bèn a guement-cé a gaus d’er bihan a soign hun és de zihoal doh hun interior.
Opèn sel mui a boén e gavet, sel mui éma ret deoh gober hou possible eveit hum feahein hui-memb. Ha nen hum goutantet quet a bratiquein ur uéh en exercice santel-zé ; mæs hum cherviget a nehou liés, a bout nen hum santeheoh cablus meit ag ur pehet hemp quin. Mar doh enta tromblet ha digouraget a balamor d’ur faute benac e hoès bet er malheur de gomettein, quetan tra é hoès d’ober é gober hou possible eveit recouvrein er peah a hou inean hac er gonfiance é Doué. Sàuet goudé hou calon derma en ean, ha credet ferm penaus er chagrin en dès guéhavé un dein en devout manquet, nen da quet diarben en offance en dès groeit de Zoué, mæs ag en dougeance en dès ag er poénieu en dès melitet.
Er moyant de recouvrein er peah hont quen desirable ha quen necessær é lezel er chonge a hou pehet, ha chongeal é madeleah infini en eutru Doué, pehani e zou perpet prest, hac hireahet memb de bardonnein d’er brassan péherion er péhedeu er ré vrassan, ha pehani n’ancoéha nitra eveit ou degasse én dro d’ou dever, eveit ou joentein stert doh-t’hou, eveit ou santefiein ér bed-man, hac ou laquad de vout heurus ér bed hont durant un eternité. A p’en devou er honsiderationeu-zé pé réral haval doh-t’hai tranquilleit hou isprit, consideret nezé hou péhet, ha groeit ol en treu hun ès laret.
Anfin ér sacremant a Benigen de behani é conseillan deoh tostat liès, laqueit dirac hou teulegat hou ol fauteu, ha disclæriet hai sinceremant d’hou tad spirituel, guet un anquin nehué hou pout couéhet én hai ha guet ur resolution nehué ne retournehet mui dehai.