| ◄ Ag er moyanteu er ré profitaplan eit em devout er vertuïeu, hac é péh fæçon éma ret pratiquein ur vertu durant un herrat amzer. | En exercice ag er vertu e oulèn un application continuel. | Pen dé ret pratiquein perpet er vertuïeu, ne faut quet lezél occasion erbet de bassein hemp ou fratiquein. ► |
Er hombat spirituel/Chapistre 36
CHAPISTRE XXXVI.
En exercice ag er vertu e oulèn un application continuel.
MESQ en treu peré e secour de hounid er vertuïeu a grecheneah (hac en intantion de guement-cé hun ès aman),
unan ag er ré necessæran é assai avance perpet én hent ag er berfection, rac culein e rer deusto peh quer bihan e arrester. Quentéh èl ma cessamp a hober actioneu vertuus, en inclination naturel pehani hun doug de glasque er blijadur hac en treu a zianvæs peré e goutante er squiendeu, ne vanque quet a seùel én omp lusqueu disordre, hac el lusqueu-zé e zistruge pé e oanna d’er bihannan er pratique ag er vertuïeu. A henderal en dissourciance-zé e ra demp col hilleih a hræceu e ellehemp melitein, pe vehemp sourciussoh d’avance er vuhé spirituel.
Henneh é en differance étré gober baige ar zoar ha querhet én hent e gondu d’en ean ; rac er ré e ra baige ar zoar e èll dalai er peh e gârant hemp retorn ar hou faseu ; hac opèn en ur querhet perpet, er squéhadur e barra doh-t’hai a monet pelloh : mæs én hent d’er berfection, sel mui ma avançamp, sel mui a nerh e za demp. Er ræson a guement-ma é ma ta d’en inclination naturel col ag é nerh dré en exercice ag er vertuïeu, deusto ma tihùen par ma èll eveit ampêchein en avantage spirituel ; hac é contrel en isprit é pehani é loge er vertu, en hum berfectionne hac e greihua gùel ar hùel.
El-cé pebèl ma avance un dein ér santeleah, é tistéra ol er boén e uélai én hi, hac é cresq ur certæn doustér dré behani éta Doué de zigrïein en huerhuonni ag er vuhé-man : én ur monet perpet èl-cé guet joé ag ur vertu d’ur vertu aral, arriue e rer anfin ar lein er manné, ér blein ag er berfection, ér stad eurus-zé é pehani en inean e gommance exercein hé deverieu spirituel, non-pas hemp quin hemp dioustemant, mæs guet ur blijadur ne fehai quet bout deviset ; rac dré m’éma victorius a hé hoal-inclinationeu, ha ne séel doh tra erbet na doh-t’hi hé hunan, hi e vihue é Doué, hac e joueiss én hou ag ur peah agréabl émesq hé foénieu continuel.