| ◄ Penaus é eller um zihuèn azoh finesseu er goal-speret, a pe laqua én hun pèn devotioneu diavis. | Hun goal-inclination joëntet doh soliteu er goal-speret hun dougue d’ober fal jugemanteu ar goust en nessan. | Ag en Oræson. ► |
Er hombat spirituel/Chapistre 43
CHAPISTRE XLIII.
Hun goal-inclination joëntet doh soliteu er goal-speret hun dougue d’ober fal jugemanteu ar goust en nessan ; é peh fæçon éma ret resistein doh t’hai.
G en istim hun ès eveit omp-ni-memb éta un disordre aral pehani e ra hilleih a zomage, er fal jugemant é pehani e ra demp jugein fal a hun nessan, ha bout caus d’er réral jugein er memb tra a nehou. El ma ta er vice-zé a hun orgueil, um antretenein e ra ehué dré en orgueil ; ha sel mui ma cresque, sel mui é cresque hun presomption, en istim eveit omp hun hunan, en disposition eveit bout trompet guet er goal-speret rac monnet e ramp a nebedigueu d’hur bout eveit omb quement a istim èl hun ès a zisprisance eveit er réral, én ur gredein é fauss é omp agrèn exant ag er fauteu a beré en ou jugeamb int cablus.
Anemis hun salvedigueah a pe hanàu én omp er fal zisposition-zé, hum chervigein e ra ag é ol finesseu eveit hun tantein, perpet sourciable d’examinein defauteu er réral, ha d’ou havouet brassoh eveit m’émeint. Ne fehai quet bout credet peguement a boén e guemer eveit laquad é peb momant dirac hun deulegat en imperfectioneu distér hun ès remerquet én hun breder, a pe ne èll quet gober demp remerquein én hai ré considerable.
Pen dé enta quer fin ha quer sourcius eveit gober næs demb, bemp ni quer sourcius eveit disolein é laceu hac évehat doh-t’hai. Quentéh èl ma tegasse chonge demb ag un defaut benac en dès en nessan, pellamp er chonge, ha mar continu hun solitein d’ober ur fal jugemant a nehou, évehamp mat a cheleuet doh é soliteu malicius. N’ancoéhamp quet n’hun ès quet en autorité necessær eit jugein èl ma faut, rac dallet omb guet hilleih a hoal-inclinationeu, ha bourrein a ramp dré natur é conterollein actioneu ha buhé er réral.
Aveit remedein erhat doh un droug quen dangerus, chongeamp hemp cess én hun miserieu-ni : cavouet e rehemp quement a dreu de reglein én omp a ziabarh, ma collehemp en desir de jugein ha de gondanein er réral. Opèn é laquad poén de gonsiderein hun defauteu prope, gùellat e rehemp forh æs lagat hun inean ag ur certæn malice pehani e zou er vammèn ag er fal jugemanteu ; rac piue benac e juge hemp ræson éma é vrær teichet d’ur goal-inclination benac, henneh e èll credein sur éma teichet ean-memb d’er memb si pen dé gùir penaus un dein carguet a sieu e chonge éma er réral haval doh-t’hou. A pe vemb enta prest de gondanein buhé unan-benac, hum gondanamp ni-memb, hac hum demallamp er mod-man : Dal ha présomptuus, penaus e ous-té hardeh asses eit conterollein actioneu te nessan, té pehani en dès er memès defauteu, ha defauteu brassoh eveit é ré ? El-cé é troéin einep temp hun armeu propre, é léh blessein hun berder guetan, hum chervige e rehemp a nehai eit guellat hun goulieu-ni.
Mar dé gùir ha sclær er faute e gondanamp, excusamp dré charité en hani en dès ean commettet ; credamp en un dès vertuïeu cuhet nen devezai quet guellet conservein quenave m’en dès permettet Doué ma coéhezai ér péhet-cé ; credamp penaus un defaute distér e lausque Doué guetou eveit un herrat amzer, e zisminuou hilleih er chonge vat en dès a nehou é hunan ; é vout dispriset guet er réral, é tei de vout humploh, ha par consequant é brofit e vou brassoh eveit é gol. Mæs mar dé er péhet non pas hemp quin publique, mæs énorme, mar dé er pehour ostinet én é béhet, saùamp hun speret tremaha en Ean ; antréamp é jugemanteu segret en eutru Doué ; consideramp penaus hilleih a dut goudé ou devent bihuet pêl amzer ér péhet e zou deit de vout sænt bras, ha réral é contrél peré e ziscoai bout arriue betac er blein ar er berfection, e zou couéhet malhurusamant én dondæt ag er péhet.
Dré er honsiderationeu-zé peb-unan e gomprenou é hès quement de zougein eveit hou èl eveit ne vern piue aral ; ha mar sante un inclination benac eit jugein én tu mat ag er réral, éma er Speret-santel er ra dehou : é contrél é fal jugemanteu, é gâs hac é zisprisance é quevér en nessan e za ag é valice hac a soliteu er goal-speret. Mar hun ès enta hun arrestet de gonsiderein guet rai a guriosité defauteu er réral, ne guemeramp quet a repos que n’hun hou ancoéheit tout.