| ◄ Ag en Oræson. | Petra é en Oræson mantal. | Ag er Meditation. ► |
Er hombat spirituel/Chapistre 45
CHAPISTRE XLV.
Petra é en Oræson mantal.
N Oræson mantal e zou ur sàu a hun speret dermaha Doué, é pehani é oulennamb guetou en treu a beré hun ès dober. En Oræson mantal e hroér é dihue fæçon, unan dræt-cair, un aral diar-dro.
Er guetan, a pe larer de Zoué a galon : O men Doué ! accordet deign er græce-zé en inour hou hanhue santel, pé : Men Doué, me gred ferm éma hou volanté hac hou cloër ma oulennein er græce-zé, accomplisset enta én-on hou volanté divin. A pen domp attaquet guet hun anemiset ha ma tailhant berran arnomp, gùellein e ramp gober dehou er beden-ma : Men Doué, hastet donnet d’em secour, hui e uél peh ur foul a anemiset e zou attàu ar me zro ; pé en aral-man : Men Doué, me retirance ha me ol nerh, secouret-mé pront ; car nen don quet capable de resistein hemp hou secour. Mar continu en tantation, ni e bedou attàu ér memès fæçon, én ur resistein attàu guet courage doh er goal-isprit. A pe vou passet er goahan ag er hombat, troein e rehemp trema hur Salver, ha doh er pedein de gonsiderein ag un tu nerh hun anemis, ag un tu-ral hun goannedigueah, ni e larou dehou : Chetu aman hou crouaidur ; chetu aman en dein hont e huès prenet dré er bris a hou coaid : sellet en diaul penaus é ra ean é bossibl eveit el lemel guenoh hac er hol. Dohoh-hui en em ès recour, én oh-hui é laquan me ol gonfiance, rac me ouair é oh infinimant mat hac infinimant puissant. Hou pet truhé doh un dal, a bout éma cablus, pehani hemp er secour a hou cræce nen dé quet capabl de resistein doh hou anemis. Assistet-mé enta, ô me ol esperance hac ol nerh me inean !
En eil fæçon de hober en oræson mantal e zou a pen hum goutantamp a represantein de Zoué hun doberieu, hemp laret nitra quin. A pe vehemp enta en é brésance, hac é avoeign nen domp quet capabl a hanomp hun hunan de bellat doh en drouc ha de hober er mat, hac én desir a henderal d’er chervigein, arrestein e rehemp hur sél ar nehou, en ur hortos é secour guet confiance ha guet humilité. En accusation-zé a hun fragilité, en desir-zé de chervigein Doué, en acte-zé a fé groeit ér fæçon em ès laret, ol en dra-zé e zou ur bedèn diar dro, pehani e receu forh-æs guet Doué er peh e zesiramp, hac en dès sel mui a nerh ma vé sincéroh en accusation a hun fragilité, gredussoh en desir de chervigein Doué, ha biueoh er fé. Bout e ra ur bedèn aral él-d’hi, mæs berroh, pehani en hum hroa guet ur sél simple hac e zisplæ mat neoah hun peuranté dirac deulegat en eutru Doué, nen dé nitra quin er sél-zé meit er chonge ag ur græce hun ès goulennet deja hac e oulennamp hoah hemp laret guir er bed, na disclæriein hun desir.
Assæamp pratiquein er fæçon-zé d’ober oræson, ha desquamp hum chervigein a nehi é peb occasion, rac en expériance e ziscoei demp, èl nen dès nitra æssoh, nen dès nitra ehuè excellantoh na profitaploh.