Er hombat spirituel/Chapistre 51
| ◄ Ag ur fæçon de veditein ha de bedein Doué dré er moyant a en ælé hac er sænt. | Ag er méditation ar souffranceu Jesus-Chrouist, hac ag er santimanteu differant e eller tennein a nehai. | Ag er fréh e eller tennein ag er meditation ar er groez, etc. ► |
R peh em ès laret diaraug ag er fæçon de bedein ha de veditein er souffranceu hur Salver, nen dé meit eit goulèn græceu guetou. É hamp de uélet brema é peh fæçon é eller tennein a nehai santimanteu carantéus. Mar e hès enta choéget, par exampl, eveit hou meditation Jesus-Chrouist crucifiet, émesq hilleih a circonstanceu ag er myster-zé hui e ellou hum arrestein ar er ré-man.
Consideret hun Salver arriuet ar er manné Calvar ; sellet guet truhé er Juiffet cri doh en dihusquein, hac èl ma oai staguet é zillat doh é oulieu, int e refresq é ol vlesseu, hac e laqua er goaid de rideg a guement tache e zou én é gorf. Er staguein e rant doh er groez ; grouiat e rant é zeu zorn hac é zeu droed guet tacheu bras, ha tennein e rant a bouis ou nerh ar é vambreu eit ma arrihueint guet en toulleu groeit aguênt ér hoet eit ou tachein. Goudezé é plantant er groez én doar ; int hé lausq de gouéh a hurlam én toul déon-zé. Ér memès amzer er horf sacret-cé é creis en aire e gouéhas ér vrassan vænision, hac é houlieu en hum rougas hac en hum zigueoras. O peh ur hloéz, mar dés bet biscoah, eit hun Salver a garanté é pign doh en tacheu ! Chom e ra nàu ær ér stat-cé hemp merhuel.
Mar desiret dré gonsiderationeu er sort-cé pé réral èl d’hai, bihuet én-oh santimanteu a garanté doh Doué, æsæet hanàouet dre er meditation madéleah infini hon Salver pehani en dès vennet andur quement a boénieu a balamor teoh ; rac sel mui ma cresquei én-oh en hanàuedigueah ag er garanté en dès bet eveit oh, sel mui a staguedigueah hac a garanté hou pou doh-t’hou. Feahet ha forcet èl-sé de gredein é charité hemp som, n’ellehet quet derhel hemp gober acteu a gontrition hou pou outraget quel liès hac én ur fæçon quen indign en hani en dès hum sacrifiet ean-memb eit satisfaction a hou péhedeu.
Hui e rèi arlerh acteu a esperance, en ur gonsiderein penaus en Douè bras-zé nen devoé quin intantion ar er groez meit de zistrugein er péhet, d’hou tennein a sclavage en diaul, d’ober satisfactïon a gaus d’hou crimeu, d’hou laquad d’ober hou peah guet é dad, ha d’hou pout recour doh-t’hou én hou ol dobérieu. Goudé hou pout consideret é souffranceu, mar consideret en effet a nehai, mar remerquet penaus dré é varhue en en dès effacet péhedeu en dut, distannet colér er juge souveræn, goleit a véh puissanceu en ihuern, douguet er victoér ar er marhue memb, carguet én ean léhieu en ælé revoltet, hou anquin en hum changeou é joé, hac er joé-zé e gresquou dré er chonge ag er joé en dès groeit el labour bras a redamption er bed d’en tri person adorabl ag en Drindæt, d’er Uériès santel, d’assamblé en ol fidelet crechenion e zou ar en doar, ha d’assamblé en ol fidelet crechenion e zou ér Baraouis.
Mar fal deoh hou pout ur hai bras a hou péhedeu, n’hou pet quin intantion én hou meditation, meit de gredein ferm penaus mar en dès Jesus souffret quement, éma bet eveit rein deoh ur hâs santel dohoh hou hunan, ha doh hou coal-inclinationeu, ha drés er réral, doh en hani e zou bet caus deoh de hober er fauteu brassan ha pehani par consequant e zisplige davantage de Zoué.
Eit antréein é santimanteu a admiration n’hou pou meit considérein nen dès nitra souéhussoh eveit guélet Crouéour en ean hac en doar, er pèn-caus ag er vuhé, e verhuel dré zeorn é vugalé ; eveit guélet er vajesté souveræn doh hum zeval betac vennein andur en deuéhan tout ag en ol drougueu, pehani e zou bout bet abandonet de bouvoér mambreu Satan ; eveit guélet en nerh é andur bout ériet, en innoçance bout passet criminel, er furnez bout dispriset, en inour bout anjuliet, er gloer bout tourmantet, hac er vammèn a vuhé bout troublet guet en anquin hac er glahar.
Eveit hum zouguein de guemer truhé doh souffranceu hou Salver hac hou Toué, opèn er poénieu a gorf, represantet en hou chonge er ré intérior, peré e zou bet hilleih brassoh. Mar e huès truhé doh er ré guetan, penaus é ellehet-hui bout hemp quemer truhé doh er réral betac hou pout hou calon trézet guet glahar ? Inean hur Salver e uelai splan en natur a Zoué, èl m’hé guél breman én ean ; hi e ouyai peguement e velite Doué bout inouret ; hac èl m’hé devoai eveit hou ur garanté infini, hi e zesirai ehué ma vezai bet câret guet en ol ag ou ol nerh. Doh er guélet enta disinouret én ur fæçon cruel ér bed antier dré un anfin a grimeu abominable, trezet oai nehi guet ur glahar quer bras èl ma oai bras hé haranté hac en desir hé devoai ma vezai bet câret ha cherviget en eutru Doué dré en ol dud. Ne fehai quet bout chonget peh quer bras oai er garanté-zé hac en desir-zé, ha par consequant poén collet vehai clasque comprenein peh quer bra oai poénieu interior Jesus é verhuel ar er groez.
Opèn, er Salver divin-zé èl ma cârai en ol dut én ur fæçon ne fehai quet bout laret, er staguedigueah quen tiner ha quer stert en devoai doh-t’hai e oai caus ma quemerai un anquin bras a ou féhedeu peré e zeliai ou disparitiein doh-t’hou. Ean e uélai penaus hanni a nehai na ellai commettein péhet marhuél erbet hemp distrugein er garanté hac er græce peré e joênt er ré juste doh-t’hou. Hama gloésussoh oai hilleih de inean Jesus en disparti-zé, eveit m’es dé d’er horf hani é vambreu a pé vant ér méz a ou léh : ha ne faut quet bout souéhet a guement-cé, rac dré m’éma spirituel en inéan hac a un natur hilleih parfætoh eveit er horf, tinerroh é ehué hilleih doh er boén. Mæs arlerh tout, en anquin brassan en devoai hun Salver e oai é uélet péhedeu ol er ré dânet ; rac èl ne ellant mui retorn devat hou dré er benigèn, int e zeli bout dispartiet doh-t’hou durant un éternité.
É uélet quement a boénieu, mar santet en hou calon ar gompassion tiner eveit hou Hesus, oueit pêlloh ha hui e gavou en en dès souffret poénieu pé tourmanteu bras non pas hemp quin eveit er péhedeu e huès commettet, mæs memb eveit er ré ne huès quet commettet ; p’en dé certein en en dès scuillet tout é ouaid eit hou telivrein ag er ré guetan hac hou preservein doh er réral. Credet-mé, ne vanquou deoh jamæs ræsonieu capable d’ober deoh quemer hou lod a boénieu Jesus crucifiet. Gouyet penaus nen dès bet biscoah na ne vou jamæs é dein erbet un drouc benac nen dès santet ean-memb : anjulieu, disinour, tantationeu, penigenneu volanter ; en dra-zé tout en dès santet calettoh eveit er ré ou andur én effet ; rac èl m’en dès en tad charitable-zé un hanàuedigueaah parfæt ag ou ol foénieu bras ha bihan, spirituel ha corporel, beta memb ag en distéran droug pên, ne allai quet nehou miret a guemer ur gompassion tiner doh-t’hai.
Mæs piue e ellehai laret peh quer garhue oai bet dehou souffranceu é vam santel ? Ol en tourmanteu cruellan ha disinouraplan e anduras en é bassion, hi ou andurai én hé mod guet er memb intantion, ha deusto ne oai quet ingal hé foénieu, bras ouent attàu. Quement-cé e gresquai poénieu Jesus hac e vlessai goéh-de-oéh é inéan. Er peh e oai caus d’un inean santel laret guet ur simplicité vras penaus calon Jesus poéniet e oai, haval oai gueti él ur manièr ihuern a behani en ol poénieu e oai volonter, ha ne oai abarh tan erbet quin meit cani er garanté.
Mæs anfin petra zou er pèn-caus de guement a dourmanteu ? Hun péhedeu é ; ha par consequant er huellan fæçon de guemer truhé doh er poénieu-zé ha de ziscoein é houyamb grat d’en hani en dès souffret quement eveit omp, é hur bout quæ a hun disordreu, hemp quin a balamor dehou ; câssat er péhet drest quement tra zou ol, rac ma tisplige dehou, ha gober ur brésel continuel d’hun goal-inclinationeu èl d’é anemiset brassan, a selfin, dré changein hun goal-vuhé én ur vuhé santel, ma hoarnissehemp hun ineanneu guet er vertuïeu a grecheneah peré e ra dehai tout ou bravité.