Er hombat spirituel/Chapistre 78
| ◄ Ag en ardeu a beré en um chervige en diaul eit troublein peah en inean. | En inean ne zeli quet um chiffein a caus d’é dantationeu interior. | Doué e zegass demp en tantationeu-zé eveit hun mat. ► |
N avantageu e za demb a hun séhour spirituel, ha memb a hun fauteu én hun exerciceu, e zou a dra sur infini, mæs dré en humilité hac er batiantæt hemp quin é ellamp gober hon profit guetai ; pe ouiehemp erhat comprenein er segret-zé, ni um barehai doh hilleih a æriadeu hac a zéïadeu fal.
Allas ! brasset un domage eveit omp quemer er mercheu precius-zé a garanté Doué eveit mercheu ag é gâs hac ag é hirriss én hun hever, ha chongeal é couéh é vangeance arnomb a pé ra demb é hræceu. A ne uèlamp-ni penaus er poénieu e ra demb er séhour interior-zé nen dant meit ag en desir hun ès de vout forh agréable de Zoué, ampert ha gredus d’er peh e séel é chervige, pen dé en diover ag er santimanteu-zé e ra tout hun poén, ha mèi er peh e ra demb credein é tispligeamp dehou èl ma tispligeamp demp-ni memb, é er chiff hac en diouste-zé peré hun disconforte ? Nepas, nepas, beamp assuret émant deur mat deit ag ur vammén vat ; en treu-zé n’arriuant meit guet er ré e fal dehai bihuein èl guir serviterion de Zoué ha péellat doh ol er peh e èll, non-pas hemp quin en offancein, mæs displigein dehou.
É contrel, ne glèuamp quet er béherion vras, nac er ré e vihue revé er bed, doh hum glèm calz ag er sort tantationeu-zé.
Ur medecin é, pehani nen dé quet d’hur goust ha doh pehani é sàu hur halon, mæs vat e ra demb hemp na ouïamb : béet en tantation ag er ré horriplan, hac én ur fæçon ma rèi eun ha scandal demb er chonge a nehou hemp quin, sel chiffussoh, sel méhussoh ma vou demp, sel profitaploh vou demb ehué. En inean n’antand quet, na gomprèn quet en dra-zé ; raccé ne vènn quet monet dré en hènt é pehani ne uél na ne sante meit displijadur hac affliction.
Én ur guir, éma rac ne gârehai quet bout jamæs hemp plijadur hac hemp consolation, ha tout er peh nen dès quet en douster-zé e zou, haval guetou, ul labour hemp fréh hac hemp profit.