Er hombat spirituel/Chapistre 82
| ◄ En inean e zeli hum galmein hemp col amzer guet peb néhance e arriue gueti. | Pedèn de J.-C. eveit goulèn guetou peah interior hun ineanneu. | Guirionéeu principal. ► |
ALVER dambonær, gùir Salomon, roué a zouster hac a hloër, æl a aliance hac a gonseil, avocat ol-buissant, juge souveræn er ré vihue hac er ré varhue, Doué a beah ha Doué en arméieu, me hum daol étal hou treid guet er brassan respèt ha humilité, eit ma pligeou guet hou majesté laret deign ur gomps amiable benac pehani e vou ur guir a beah.
M’er goulèn eveit on, hac eveit er ré en dès dober èl on, er peah-zé desiret quement ; accordet deign er repos douce-zé pehani e zou ol vat hac ol eurustet me inean. Reit dré hou buissance d’em speret dibarfæt-ol en nerh a behani en en dès dober eit resistein doh quement a anemiset èl e zou a dreu e zisplige deoh ; groêit na vou jamæs mui tromblet né vern é petra, douceit er stat é pehani en hum gav, ha ne bermettet jamæs ma vou quen ouzimé de houd buhé er réral én ur fæçon ma vou en dra-zé er peh ér geinou muihan.
Grateit e huès, ô Salver er bed, en hou pezai accordet temp er peh hun bezai goulennet guet confiance. Omnia quæcumque orantes petitis, credite quia accipietis, et veniet vobis. Math. 11. Allas ! me Salver, nen dès meit oh ha hou merite e ra hun honfiance, rac a hanamb petra omb-ni ? Ar hou compseu enta en hum fian eit goulèn er græce-zé guenoh. Hou mæstroni divin en hum gonserve guel ér silence hac ér repos eveit émesq en trouz hac en dissancion, hac hou santeleah, pehani nen dé quet ag er bed-man, he oulèn meit sujité humbl ha dambonær.
Ehué nen hum laret quet mæstre rannour en treu aral, èl ma rét ag er peah hac hou ælet santel peré ne rant meit er péh e blige deoh, ha peré ne studiant meit hou volanté, en annoças ér momand a hou cannedigueah quentoh eveit er victoér, hac int e gompsas nezé er Gloria in excelsis, etc. Gloër de Zoué é lein en ean, eveit pehani e zou ur hantique drest er hannenneu a drionfle er ré gloriussan.
Groêit, ô me Salver, dré en ol considerationeu-zé, groêit ma tremenou ennon er vammèn-zé a beah a behani é comps hou Profeded. Reit deign er venediction-zé pehani e zou er merche a hou caranté, ha n’ellamp quet receu meit guenoh ; hac a p’hou poai ar er poent de gùittat en doar, lausquet guenemb er peah é tretant ma vehai disquennet er Speret-santel èl en arres ag er gloër e yéoh de breparein demb én ean, ne refuset quet er scuil én ur halon pehani e zou goulleu, hac e vérhue guet en desir de um zigueor eit er receu. Me espér guet confiance en hou madeleah infini n’er refusehet quet deign, hac e trohehet hou zél ar un nebedic ludu pehani e coulèn hou secour ; ha ne bermettehet quet ma vein diar-vreman ag en nombre ag er ré impi peré n’ou dès jamæs gouyet cavouet hent er peah, ha de beré ne vou jamæs accordet er jouissance a nehou que n’ou devou feahet ou goal-inclinationeu ha distruget ou fal accustumanceu. El-ce re-vou groêit.