Gousperou sant Guillerm

Charlez ar Brizh

Heuriou brezonnec ha latin

L. Prud'homme, 1849  (p. 663-664)

GOUSPEROU GOUEL S. GUILLERM.^[1]

Evit ar Gouel-ma e leverrot Gousperou ur sant Confessor Pontif, evel m’ho c’heffot merquet diaraoc er bajen 505, gant an Antifonennou-ma. Ant. Vocavit majores natu ecclesiæ, et dixit eis : Scitis qualiter vobiscum fuerim et nunc eccè ego scio quia ampliùs non videbitis faciem meam. Ant. Ostendi vobis quoniam oportet meminisse verbi Domini Jesu : Beatius est magis dare, quàm accipere. Ant. Nocte et die non cessavi, cum lacrymis monens unumquemque vestrûm ; et nunc commendo vos Deo. Ant. Finitis mandatis quibus filios instruebat, obiit : appositusque est ad populum suum.

Ant. Mortuum prophetavit corpus ejus ; et in morte mirabilia operatus est. Capitulum. 2. Tim. 4. BOnum certamen certavi, cursum consummavi, fidem servavi. In reiquo reposita est mihi corona justitiæ, quam reddet mihi Dominus in illâ die justus judex ;non solùm autem mihi, sed et iis qui diligunt adventum ejus. Hymnus. NUnc polos, sancti, reserate. cives Laeta Guillelmi resona triumphum, Urbs Briocensis : tuus eccè Presul Ethera scandit. Qui Deo plenus super astra fulget, Hâc die turmis Superum

verendis Additur : pronus meritos et orbis Reddit honores. Igne quæ sacro caluêre membra, Invium corpus maculis pudoris, Non jacent, cœlo prohibente, putris vermibus esca. Mille portentis tumulus coruscat ; Quæ Patris supplex veneratur ossa, Turba languentûm reperit petitam Ægra salutem. Hic puer mersus rapidis sub undis Redditur vitæ ; pedibus resurgit Hìc genu nixus, manibusque reptans ; Detumet hydrops. Hùc volant gentes, memores rependunt Dona certatìm ; cumulantur aræ : Præsulis sacras rediviva virtus perficit ædes. Urbs nimis felix, veneranda tellus, Inclyti dives cinerum Patroni ;

Vindicis sistunt quotiès ruenfem Numinis iram ? Summa laus Patri genitoque Verbo : Laus tibi compar, utriusque nexus, Nos bonus per quem societ superno Christus ovili. V/. Salvum fecit Dominus Christum suum : R/. Exaudiet illum de cœlo sancto suo. D’ar Magnif. Ant. Hic est fratrum amator et populi ; hic est qui multùm orat pro populo et universâ civitate. Oremus. DEus, qui beatum Guillelmum, Pontificem, cœlesti puritate, misericordiâ in pauperes, et in tuendis Ecclesiæ juribus constantiâ mirabilem effecisti ; ejus nobis intercessione concede, strenuè pro justitiâ decertare, indigentibus ultro subvenire, et ità carnis vitare contagia, ut ad Agni nuptias admitti mereamur ; Per eumdem Dominum nostrum.

1. D’an 30 a viz Gouere.