Kement a rit, Tad karantezus

Oberennoù damheñvel pe handelvoù all zo ivez, gwelout Kement a ret, Tad.

Kantigou brezonek eskopti Sant-Brieg ha Landreger

A. Prud’homme, 1934 (p. 137-139)

N° CV. — Meulomp Doue ! Meulomp Doue !

$\version "2.22.0" \score { \new Staff { \relative c'{ \tempo "" 4.=58 \key f \major \time 3/8 c'8 c bes | a4 a8 | g( bes) g | f4. \break c4 r8 | a' f a | c4 c8 | d( c) b | c4 r8 \break c c bes | a4 a8 | g( bes) g | f4. | c4 r8 \break a' f a | c4 c8 | d( c) b | c4 r8 \break c d e | f4 f8 | a,4 bes8 | c4. | c4 r8 \break g g a | bes4 bes8 | bes( a) g | a4.~ | a4 r8 \break c d e | f4 f8 | a,4 bes8 | c4. | c4 r8 g g bes | d4 c8 | c( bes) g | f4.~ | f4 r8 \bar "|." } \addlyrics{ Ke -- ment a rit tad ka -- ran -- te -- zus A ga -- van mat_: Meu -- lomp Dou -- e_! ha di -- ra -- zoc’h e ve -- van eü -- rus, e gwir vu -- gel_: Meu -- lomp Dou -- e_! M’hen goar er -- vad ho torn a grou -- er a ren pep tra, Meu -- lomp Dou -- e_! La -- va -- rout ’rin hed ma holl am -- zer_: Meu -- lomp Dou -- e_! Meu -- lomp Dou -- e_! } } \layout { indent = #00 line-width = #125 } \midi { } } \header { tagline = ##f }$

Kement a rit tad karantezus
A gavan mat : Meulomp Doue !
Ha dirazoc’h e vevan eürus,
E gwir vugel : Meulomp Doue !
M’hen goar ervad ho torn a grouer
A ren pep tra, Meulomp Doue !
Lavarout ’rin hed ma holl amzer :
Meulomp Doue ! Meulomp Doue !
Diouz ar beure, dal ma tihunan
E kanan ye : Meulomp Doue !
E-pad an deiz dre ma labouran,
Ma c’hanaouenn : Meulomp Doue !
Pa led an noz tenval he mantell
Us d’an douar : Meulomp Doue !
Lavaran c’hoaz an diou gomz santel :
Meulomp Doue ! Meulomp Doue !
Na glevit ket ’-kreiz al levenez,
Ma mouez lavar : Meulomp Doue !
Ha ma c’halon en dristidigez,
A lavar c’hoaz, Meulomp Doue !

E Breiz-Izel, gant ma mignoned,
Ma diskan eo : Meulomp Doue !
Pell diouz ma bro, mesk ar C’hallaoued,
N’ankounaan ket : Meulomp Doue !
’Vel ma zud koz, er peuc’h, er brezel,
Yac’h-mat pe glanv : Meulomp Doue !
A-greiz beva ma rankan mervel,
Meulomp Doue ! Meulomp Doue !
Gant ma madou, mar doun enoret,
Dirak an holl, Meulomp Doue !
Ha mar doun paour, mar doun disprizet,
’-lec’h damanti : Meulomp Doue !
Er Baradoz e vin dic’haouet,
Hag en tu-hont : Meulomp Doue !
Hent ar furnez ganin bet heuliet,
Meulomp Doue ! Meulomp Doue !
War ar C’halvar Jezuz o tremen,
A hirvoude : Meulomp Doue !
Daoust d’he glac’har e vamm ’n e gichen
A responte : Meulomp Doue !
Hag e rankfen evel ma Salver,
Skuilha ma gwad, Meulomp Doue !
Ma ger vefe ’vel e pep amzer :
Meulomp Doue ! Meulomp Doue !