Eürus an hini

Oberennoù damheñvel pe handelvoù all zo ivez, gwelout Eurus an hini a garo Doue.

Kantigou brezonek eskopti Sant-Brieg ha Landreger

A. Prud’homme, 1934  (p. 137)

N° CIV. — Eürus an hini a garo Doue.

Ton : LXXX

1. Eürus an hini a garo Doue
   Gant e holl galon hag e holl ene. (2 w)
   
   
2. An den a blijo da Zoue hon Tad
   A vo diwallet ha diwallet mat.
   
   
3. En ti hag er park, dre-holl, deiz ha noz,
   Doue a skuilho warnan e vennoz.
   
   
4. Gantan e bried hag e vugale
   O devo o lod e bennoz Doue.
   
   
5. Evel eur wezenn douret he gwriziou,
   Dougen a ray frouez, deliou ha bleuniou.
   
   
6. Mar deo pinvidik, e ray vad d’ar paour ;
   Stlabeza a ray e arc’hant, e aour.
   
   
7. M’eo paour a zanvez, en deus ’vit leve
   Karantez Doue ha peuc’h an ene.
   
   
8. Gant c’houezenn e dal en deus paeadra
   Da c’hallout dinec’h debri e vara.
   
   
9. Laouen er vuhez, laouen er maro,
   Etrezek an Nenv eürus e savo.
   
   
10. Ha te, pec’her paour, trenket da vuhez,
    Ma varvfes daonet, na pebez truez !
    
    
11. Pec’her paour, distro ha distro buan,
    Rak ganit dija eman c’houez an tan.
    
    
12. Kemer hepdale hent ar Baradoz,
    Pe, m’hel lavar d’it, e kavi malloz.
    

---