Meulomp hirie a vouez uhel (1934)

Oberennoù damheñvel pe handelvoù all zo ivez, gwelout Meulomp hirie a vouez uhel.

Kantigou brezonek eskopti Sant-Brieg ha Landreger

A. Prud’homme, 1934 (p. 164-165)

N° CXXII. — Meulomp hirie a vouez uhel.

$\version "2.22.0" \score { \new Staff { \relative c'{ \tempo "" 4=126 \key g \major \override Rest #'style = #'classical \time 6/4 r4 d^\markup {\italic "Diskan ha paoz"} a'( b2) g4 | a2 g4 c2 c4 \break b( a2) r4 r a | a2 c4 b( g) b | a2 e4 e( d2) \break r4 d e fis g a | a g g( a2) c4 b( g) b a( fis) g8( fis) | e2 d4 d2 r4 \bar "|." } \addlyrics{ Meu -- lomp hi -- rie a vouez u -- hel Je -- zuz -- Krist hag e Groaz san -- tel Meu -- lomp hi -- rie a vouez u -- hel Je -- zuz -- Krist hag e Groaz san -- tel. } } \layout { indent = #00 line-width = #123 } \midi { } } \header { tagline = ##f }$

= pe ton gallek Vive Jésus, vive sa croix.

Diskan.

w

Kalet-kaer eo kalon an den
A chom hirie sklaset pe yen,
A chom sklaset pa wel Jezuz
En eun doare ken truezus.
Betek ar maro e sentas,
Betek ar maro war ar Groaz ;
Eun tamm plouz, e wele kenta
Ha koad kalet, an diweza.
Mestr ar bed a zoug war e benn
Spern dreinek evit Kurunenn
En e dreid hag en e zaouarn
’Z eus tachou hir graet gant houarn.
E galon baour a verv ennan
Evel ar c’hoar dirak an tan,
C’houi zo gwasket, Salver Doue,
Evel ma wasker ar c’houe(z) !
Ho nerz a red evel an dour,
Ha n’hoc’h eus digant den sikour ;
Ouz ho sec’hed n’hoc’h eus netra
Nemet gwin trenket da eva !
Eul laer a-zehou, eul laer a-gleiz,
Dre-holl enebourien direiz,
Hag ar pez a zo gwasoc’h c’hoaz,
Ho Mamm dener e-tal ar Groaz !
Evet eo ar c’halir c’houero
A oa warnan blaz ar maro !..
Jezuz breman a bleg e benn
’vit mervel, ha prena an den.
Eur c’hleze lemm a zo aet do(u)n
’n e gostez, betek e galon,
Evit lakaat da zevera
Eur berad gwad, an diweza !
O, ma Jezuz, a-raok kuitaat,
D’ho treid me, a fell d’in pokat,
Starda goude ma muzellou,
Ouz ar c’hoad sakr, ouz an tachou.
Hirie, arc’hoaz, ’hed ma buhez,
E vevin en ho karantez ;
Mar ’m eus kalon, penaoz ’c’hallfen
Hep ho karout, Jezuz, tremen !