Meulomp ol da james

Oberennoù damheñvel pe handelvoù all zo ivez, gwelout Meulomp holl da viken.

Eskopti Sant-Brieg ha Landreger

Kantikou brezonek eskopti Zan-Briek ha Landreger

Ti René Prud’homme, 1924  (p. 30-31)

N° 21 . — Meulomp ol da james.

Ton N° 21.

Diskan.

Meulomp ol da james Doue leun a vadeles,

Meulomp ol da james Doue leun a vadeles !

1. Kanet, ele, d’hon Otrou
   Ho kantikou kaeran,
   Beniget anezan
   Genimp euz e ol c’hrasou.
   
   
2. Biskoas tad na oe gwelet
   Ken mad d’e vugale,
   Ken zoursius noz de
   D’ho dioual korf ha speret.
   
   
3. Pastor karantek meurbet
   Na espern ket e boan,
   Klask a ra heb ehan
   An danvad kez dianket.
   
   
4. Lamet a n-euz an anken
   A ziwar ma speret,
   Trec’h d’ar c’hig ha d’ar bed,
   Toret a n-euz ma chaden.
   
   
5. Ma rentet a n-euz pare
   Evel eur medisin,
   Hag e vanket divin
   A zo bevans ma ine.
   
   
6. Skuill a ra gant abondans
   E c’hras breman warnon,
   E goelet ma c’halon
   A n’euz gret e zemeurans.
   
   
7. Hen eo ma finvidiges,
   Ma nerz ha ma skoazel ;
   Rak se bete mervei
   Me gano e vadeles.
   

---