|
En hano an Tad, ar Map, hac ar Speret-Santel. Amen.
Goulennomp assistanç ar Speret-Santel evit ober er-vad hor pedennou.
Veni, Sancte Spiritus, reple tuorum corda fidelium, et tui amoris in eis ignem accende,
Emitte spiritum tuum, et creabuntur
Et renovabis faciem terrae.
Oremus.
Deus, qui corda fidelium sancti Spiritus illustratione docuisti, da nobis in eodem spiritu recta sapere, et de ejus semper consolatione gaudere. Per Christum Dominum nostrum. Amen.
————
En em laqueomp e presanç Doue, hac adoromp-en.
O tad, Map, ha Speret Santel,
Me gred ouc'h un Doue eternel,
Croüer an oll partout presant.
Me oc*h ador devotamant.
Greomp un Act a feiz var myster an Dreïndet sacr, var justiç Doue, ha var Myster an Incarnacion hac ar Redempcion.
Me gred ouc’h tri ferson divin,
Ho tri egal, quer bras, quen dîn,
Distinc en eil diouc’h eguile.
Un Doue ho zri, non pas tri Doue.
Me gred ouc’h just ha galloudus
Da reï d’ar viç ha d’ar vertuz
Diouc’h ar mirit ar recompanç ;
Punicion diouc’h an offanç.
Me a gred an incarnacion
Ha myster hon redempcion ;
C’hui Map Doue, en em c’hreat den
Evit pren’an natur humen.
Greomp un Act a feiz hac a adoration e quenver Sacramant an Auter.
M’oc’h ador, Jesus va Salver,
Er sacramant eus an Auter ;
Me gred emouc’h ennâ presant
Guir den, guir Doue realamant.
Trugarecaomp Doue eus an oll graçou hon eus recevet oll digantân.
M’ho trugareca, va Autrou,
Eveus oc’h oll mad-oberou
Em andret e particulier,
Hac en andret ar bed antier.
Renouvelomp promessaou hor Badieyant hac hon resolucion da veza fidel da Zoue, o renonç d’hor goal habitudou, ha da guement tentacion a hall arruout gueneomp hyrio.
Me bromet heulya eviziant
Hyrio lesen va Badieyant ;
Hac a renonç d’an oll viçou,
Ha d’an oll dentacionou.
Offromp hon dervez hac hon oll boanyou da Zoue, ha pedomp-ên da rei e venediccion d’hon labour.
Consacri a ran va derves
D’ho cloar, ha d’am silvididigues ;
Hac e c’hoffran va oll boanyou
E pinigen d’am pec’hejou.
Roït din ho penediccion,
Ma labourin en union
Gant ar fatic en deus er bed
Gueichall va Jesus quemeret.
Offromp da Zoue an oll œvrou-mad a vezo great hyrio, ha goulennomp ar c’hraç da veza participant enno.
An oll Oferennou santel,
Oll vertuzyou an dud fidel,
Oll oeuvrou-mad an deiz hyrio,
M’o offr deoc’h, roït din perz enno.
Greomp un Act a soumission da receo digant Doue an oll affliccion a blijo gantâ da zigaç deomp.
Me receo gant soumission
Eus ho tourn pep affliccion ;
Roït din ho craç, m’am sicouro
Da souffr gant joa bete’r maro.
En em recommandomp d’ar Verc’hes glorius Vari, da Sant Joseph, d’hon Æal mad, d’ar Sant pe d’ar Santes à behini e tougomp an hano, da Sant Paul Patron an escopti, d’ar Sant Patron hor Parrès, ha generalamant d’an oll Sent ha Senteset eus ar Barados.
Guerc’hes vari guir Vam Doue,
C’hui so va fisianç e c’houde ;
Ha c’hui Sant Joseph e fried ;
Ouzoc’h ho taou m’en em erbed.
Oll Ælez ; Sperejou eürus,
C’hui, va Æal mad carantezus,
Va mirit diouc’h an ærouant,
Diouc’h pec’het, diouc’h goal accidant.
Ispicial va sant Paëron,
Maërones,
C’hui so va Squer ha va Fatron,
Va Fatrones ;
M’ho ped hyrio d’am assista,
Ha d’am sicour d’oc’h imita.
Sant Paul quenta Escop Leon,
D’an Escopti quenta Patron,
Pliget gueneoc’h intercedi
E faver an oll Escopti.
Ha c'hui, Sant Patron hor Parrès ;
Patrones ;
Hon eus dreist oll choaset exprès,
Evit Patron dirac Doue,
Da Batrones,
Me ho suppli dreist oll ive.
Oll Sent, Senteset glorius,
Pedit evidon va Jesus,
Ma raï din en e garantes
Tremen ar rest eus va bües.
Recommandomp da Zoue hon Tad santel ar Pab, an Autrou’n Escop, hon oll guerent, an oll dud e général, hac er fin an anaoun eus ar Purgator.
Me recommand deoc’h, va Doue,
Ar Pab, hon Escop,
Ar bed antier e general,
Ha va oll dud e spicial.
Roït d’ar vugale Badizyant,
D’ar re just graç perseverant,
D’ar bec’heurien conversion,
D’an anaoun remission.
Pater, Ave, Credo, Confiteor.
|
