|
Veni, Sancte Spiritus, etc. evel diouc’h ar mintin, pagen 130.
En em laqueomp e presanç Doue hac adoromp-ên.
O tad, Map, ha Speret Santel,
Me gred ouc’h un Doue eternel,
Croüer an oll, partout presant
Me oc’h ador devotamant.
Greomp un Act à adoracion hac a feiz, è quever ar Sacramant eus an Auter.
M’oc’h ador, Jesus va Salver,
Er Sacramant eus an Auter,
Me gred emouc’h ennâ presant
Guir den, guir Doue realamant.
Trugarecaomp Doue eus an oll graçou hon eus recevet digantân.
M’o trugareca, va Autrou,
Eveus oc’h oll mad-oberou
Em andret e particulier,
Hac en andret ar bed antier.
Goulennomp sclerigen da examina hor c’houstianç.
Roït din sclerigen, va Doue,
Ma velin ha pec'het em bê
Hyrio dre nep omission
Sonch, desir, coms, pe accion.
En-em arretomp amâ un neubeudic da examina hor c’houstianç.
Greomp un Act a gontricion evit regreti hor pec’hejou, ha quemeret ar resolucion d’en em gourrija, hac er mêmes amser evit gounit an induljançou, oc’h ajouti an Actou à feiz, à esperanç, hac à garantes.
Pardoun, va Doue trugarezus,
Pardoun en hano va Jesus !
Queuz ameuz palamour deoc’h,
Gant ho craç me cheincho pelloc’h.
C’hui so ar viryones mêmès,
Oc’h Ilis ne fazi jamès,
Rac-se me gred ferm, va Autrou,
Var o quer e oll c’hreançou,
Fidel meurbet, trugarezus
C’hui bromet sicour galloudus ;
Rac-se dre Jesus var ho quer,
Ho craç, ho cloar, ferm me esper.
Ha pa zouc’h infinimant mad,
Abalamour deoc’h, ô va Zad,
M’ho car da guenta dreist peb tra,
Ha goud’eveldon va nessa,
Offromp hon nosves hac hon oll boanyou da Zoue evit ê c’hloar ha silvidigues hon ene, ha pedomp-ên da reï ê venediccion d’hon repos.
Consacri a ran va nosves,
D’ho cloar ha d'am silvidigues ;
Hac e c’hoffran va oll boanyou
E pinigen d’am pec’hejou.
Roît dign ho penediccion,
Ma reposin en union
Gant ar repos en deus èr bed
Gueichal va Jesus quemeret.
En em recommandomp d’ar Verc’hes glorius Vari, etc. evel diouc’h ar mintin.
Guerc’hes Vari, etc. pagen 153.
Greomp un Act a acceptacion eus ar maro.
D’ar maro just oun condaounet,
Va Doue, me ador oc'h arrêt ;
M’en em soumet d’ho polonté,
Ho pet trues oc’h va ene.
Jesus, c’hui a zo va Salver,
Jesus, c’hui vezo va Barner ;
Oc’h va barn soungit, va Jesus,
E zoun pris ho coad precius.
Greomp un Act à garantes hac à adoraciom èn andret ar galoun sacr à Jesus.
O ! Caloun sacr eus va Jesus,
Caloun meurbet carantezus,
Ra viot da viquen caret,
Ha da virviquen adoret.
Pater, Ave, Credo, Confiteor, Misereatur, etc.
|
