Pempet quevren - Ar seizvet Chabistr
Youen-Yan-Lois Derrien, 1779-1792 (?) (p. 444-446)
Stennet em eus evellen ar poenchou-mâ, pa ze diouz an examen anezo eo e consist an anaoudeguez eus an avançamant spirituel pehini hor bezo great ; rac evit an examen eus ar pec’hejou, an dra-se a so evit Confessionou ar re pere n’o deveus quet a soinch d’en em avanç er vertuz.
Ne rencomp quet cousgoude geina hor speret var bep-hini eus an articlou-mâ, nemet consideri douçamant pe e disposition ez e bet hor c’halon en egard dezo abaoue hon resolution da gundui ar vuez devot, ha pe seurt fautou notabl hon eus grêt en o c’hènver.
Mæs evit abregi an oll, n’hon eus nemet arreti hon examen var an enclasq eus hor passion hac eus hon inclinationou direglet ; ha mar d’e poan gueneomp o c’honsideri quer piz-se a hini da hini, evel hon eus la-varet, e c’hellomp en em examina evellen : pe e disposition ez omp bet, ha penaus ez omp en em gomportet, 1. En hor c’harantez en andret Doue, en andret hon nessa hac en hon andret hon-unan. 2. En hor c’hassoni e quènver ar viç hac ar pechet pehini a so enomp, e quènver ar viç hac ar pec’het pehini a so er re-all ; rac beza e tleomp desirout e ve chasseet hac ac’hanomp hac eus eus ar re-all. 3. En hon desirou e quènver ar madou, an enoriou hac ar plijadurezou. 4. En doujanç rac an dangerou da bec’hi hac en aon da goll madou ar bed-mâ : unan a zoujomp re, ha re nebeut un all. 5. En hon esperanç lequeat martese re en dud hac en traou temporel, ha re nebeut e Doue hac en traou eternel. 6. En hon tristidiguez, mar d’e re vras evit traou vean. 7. En hor joa, mar d’eo re vras hac evit traou pere n’er meritont quet. 8. Erfin pe seurt affectionou a zalc’h ampechet hac ambarasset hor c’halon-ni ; pe seurt inclinationou a so e possession anezi ; pe en tra principalamant ef-hi en em negliget ?
Rac diouz ar passionou hac an inclinationou eus an ene e c’hanavezer pe e stad ema, oc’h o examina an eil goude eben. Hac evel ma teu ur violancer, o pinçat quement corden a guef disacord en e violanç, d’o accordi oc’h o starda pe oc’h o laoscaat ; evelse ive, goude beza pincet hac examinet ar garantez, ar gassoni, an desir, an doujanç pe an aon, an esperanç, an dristidiguez, hac ar joa eus hon ene, mar o c’hefomp droug accord gant an ear a fell deomp da sini, pehini eo ar chloar a Zoue ; e c’hallimp o accordi moyenant e c’hraç hac ar gusul eus hon Tad Spirituel.