An Dispach a zo o ren, ha Mari Antoanet
Ac’h a ’trezek ar chafod, ’wit bean dibennet ;
E-kreiz ar brasan poanio, ouz he fried henvel,
E vo rouanez bepret, ha krenv betek mervel.
Dimeuz kreis an dimporel, ’lec’h ec’h e azeet,
En em wel, hi rouanez, gant an holl gwapeet.
He diouvrec’h a zo skoulmet, gwisket ec’h e en gwen ;
Mes da gât true outi nan eus ket eur c’hristen !
Distankan ’ra he daero, gouelan ’ra ’hed an hent,
Hent re hir, ’lec’h, evurus, ’tremene diagent ;
En he c’halon koulskoude, ewit he bourewien,
He bugale, ’wit ar Franz, ne dihan ar beden.
Eur vaouez gant he bugel a deuas da dremen ; [1]
O welet ar rouanez, ’lamp he c’halon kerkent ;
Sevel a ra he hugel gwellan ma hall d’an nec’h,
Ha derc’hel a ra nean, diwar hed he diouvrec’h.
Petra a c’hall eur bugel ? Heman, ha hep sonjal,
O welet ar rouanez, a c’hoarz outi raktal ;
Hag o kas e zorn bihan betek e vuzello,
E ro eur pok dizeblant da rouanez e vro.
Pok diwean eur bugel da Vari Antoanet,
Dar rouanez walleurus, ’rôk bean dibennet !
Pok diskennet eus an Nenv dare da zigeri,
Ha pok diwean ar Franz d’he rouanez Mari !
|
![\score {
\version "2.18.2"
\relative c'{
\autoBeamOff
\key f \major
\time 9/8
g'8 a bes c bes a g4. | g8 a bes c4 bes8 a4. | \break
c8 bes a g16[ bes] a8 g f4. | c'8 bes16[ a] g8 bes4 a8 g4. \bar ":|."
}
\addlyrics {
An Dis -- pac’h a zo o ren, ha Ma -- ri An -- toa -- net
Ac’h a ’tre -- zek ar cha -- fod, ’wit be -- an di -- ben -- net!
}
\addlyrics {
E -- kreiz ar bra -- san poa -- nio, ouz he fri -- ed hen -- vel,
E vo rou -- a -- nez be -- pret, ha krenv be -- tek mer -- vel!
}
\layout {
indent = #00
line-width = #125
}
\midi { }
}
\header { tagline = ##f }](http://upload.wikimedia.org/score/7/g/7gtah2u8yojghbmciruvng0altf6y1r/7gtah2u8.png)