Setu Mamm Doue

Kantigou brezonek eskopti Sant-Brieg ha Landreger

A. Prud’homme, 1934 (p. 171-172)

GOUEL HANTER-EOST

————

N° CXXVII. — Setu mamm Doue.

$\version "2.22.0" \score { \new Staff { \relative c'{ \tempo "" 4.=60 \override Rest #'style = #'classical \time 9/8 \partial 8*1 e8 e4 a8 a4. g4 g8 | a4 c8 b4. a8( g) a \break e2. r4 e8 | e4 a8 a4. g4 g8 | a4 c8 b4. a8( g) a e4.~ e4 r8 a4. | g4 e8 f4. g4 g8 | e4. f8( e) d c4 d8 e2. r4 e8 | e4 a8 a4. g4 g8 | a4 c8 b4. d8( c) b \break a4.~ a4 r8 \bar "||" a4.^\markup {\italic Diskan} | g4 e8 f4. g4 g8 \break e4. f8( e) d c4 d8 | e2. r4 e8 \break e4 a8 a4. g4 g8 | a4 c8 b4. d8( c) b | a4.~ a4 r8 r4 \bar "|." } \addlyrics{ Se -- tu Mamm Dou -- e, ske -- dus ha splann ’vel al loar gant tarz ar beu -- re o se -- vel eus an dou -- ar_: Pi -- gnit, Mamm Je -- zuz ho mab zo ouz ho kor -- toz Ae -- lez e -- ü -- rus di -- go -- rit ar ba -- ra -- doz. Gloar d’eoc’h o Ma -- ri gwer -- c’hez ha mamm da Je -- zuz Gloar ha meu -- leu -- di ’pad an am -- zer peur -- ba -- dus. } } \layout { indent = #00 line-width = #123 } \midi { } } \header { tagline = ##f }$

1

Setu Mamm Doue,
Skedus ha splann ’vel al loar
Gant tarz ar beure
O sevel eus an douar :
Pignit, Mamm Jezuz
Ho mab zo ouz ho kortoz
Aelez eürus
Digorit ar baradoz.

Diskan.

Gloar d’eoc’h o Mari
Gwerc’hez ha mamm da Jezuz
Gloar ha meuleudi
’pad an amzer peurbadus.

2

Jezuz a ziskenn
Diwar e dron alaouret
Gant ar gurunenn
Dleet d’e Vamm vinniget :
« Ma Mamm, emezan.
Deuit em Rouantelez,
Ha ganin breman
Bezit en Nenv Rouanez. »

3

Kerkent en Nenvou
E trid an holl gant ar joa :
War o zelennou
An aelez zeu da gana :
« Gloar d’eoc’h, O Mari,
Gwerc’hez ha Mamm da Jezuz,
Gloar ha meuleudi,
’Pad an amzer peurbadus. »

4

Kanomp, ni, ivez,
En draonienn-man a c’hlac’har,
Ha gant an aelez,
Lavaromp war an douar :
« Gloar d’eoc’h, O Mari,
Gwerc’hez ha Mamm da Jezuz,
Gloar ha meuleudi
’Pad an amzer peurbadus. »

5

Mari, Mamm dener,
E-kichen ho Mab Jezuz,
’N eur mor a splannder
C’houi zo breman eürus :
Ni, ho pugale,
Siouaz ! a zo divroet :
Ra vimp hepdale
En Nenv ganeoc’h unanet !

(Levr bugale Mari)