Dougomp hon sellou

Oberennoù damheñvel pe handelvoù all zo ivez, gwelout Dougomp hon zellou dreist.

Kantigou brezonek eskopti Sant-Brieg ha Landreger

A. Prud’homme, 1934 (p. 173-174)

Allaz ! ne oufe den kompren (an Anaon) ►

N° CXXVIII. — Gouel an Holl Sent.

$\version "2.22.0" \score { \new Staff { \relative c'{ \tempo "" 4.=56 \key g \major \time 6/8 \partial 8*1 b'8 b4 b8 e4. | d4 b8 \stemUp a( b) c \break \time 9/8 b4.~ b4 b8 b( c) b | \time 6/8 a4 a8 \stemNeutral d4 c8 \break b4.~ b4 b8 | b4 b8 e4. | d4 \breathe b8 \stemUp a( b) c \break \time 9/8 b4.~ b4 b8 b( c) b | \time 6/8 a4 a8 g( a) g \time 9/8 fis4.~ fis4 b8 b( c) b | \time 6/8 a4 fis8 g4 fis8 | e4.~ e4 \bar "|." } \addlyrics{ Dou -- gomp hon sel -- lou dreist an dou -- ar e -- tre -- zek ar sent hon Ta -- dou bre -- mañ, ku -- ru -- net ha leun a c’hloar e -- maint gant Dou -- e en Neñ -- vou, e -- maint gant Dou -- e en Neñ -- vou. } } \layout { indent = #00 line-width = #123 } \midi { } } \header { tagline = ##f }$

Dougomp hon sellou dreist an douar
Etrezek ar sent hon Tadou bremañ,
Kurunet ha leun a c’hloar
Emaint gant Doue en Neñvou.(2w)
N’eus ken evito tristidigez,
Klenved ebet na trubuilhou :
Dastum a reont el levenez,
Ar frouez hadet ’kreiz an daerou.(2w)
Bet o deus ’veldomp en o buhez,
Poan kaer o senti, o tevel,
Dinerz e oant, ha ’veldomp, ivez,
A bep tu e kavent brezel.(2w)
Kalz en o zouez ’oa izel o stad,
Darn labourerien, netra ken,
Savet abred, kousket diwezat,
N’eus forz d’an amzer domm pe yen. (2w)
O Spered ’veze kement troet
Gant o fedennou, gant Doue,
Ma tec’hent diouz ar bed milliget,
Gant aon da walla o ene.(2w)

Darn, pell er pec’hed, ’deus bet bevet, —
Na pebez gwallenn d’eur c’hristen ! —
Betek an deiz m’int bet ’n em walc’het
E feunteun sakr ar binijenn.(2w)
O mouez tregernus hon eus klevet,
E riskl pa vezemp d’en em goll :
Fizians e Doue dalc’hit bepred,
Bérr eo ar stourm, kaer an digoll.(2w)
Holl Sent, d’ho heul ’fell d’imp c’hoaz bale,
’veldoc’h dre hent ar gwir furnez :
Sikourit neuze ho pugale,
Pa n’int nemet sempladurez.(2w)