Buhez ar Sent/1837/Canut
| ◄ Gouel s. Pèr e guenver | Canut | Sebastien ► |
ant Canut a oa Mab da Suenon Roue Danemark,
pehini a reas e instrui gant Mistri habil ha vertuzus.
Ar Prinç yaouanc a brofitas quement eus an
instructionou mad en devoa recevet, ma tremenas e
yaouanctis en ur santelez admirabl.
Goude ma voue Curunet Roue, e guenta sourci a voe da lemel eus e Rouantelez an disurzou publiq, ha da lacaat un urz caër etouez e sugidi, quen dre e ordrenançou, quen dre e exempl.
Ar Bobl eus an nord, pere a voa tud sauvaich hac infidel, o veza en em revoltet, e c’houneas ar victor varnezo, ha neuse e cassas d’y Missionerien santel pere a labouras gant cals a frouez evit o c’honversion.
Goude m’en devoa lequeet ar peoc’h en e oll Stadou, e reas sevel cals, a Ilisou nac a Hospitaliou. Ober a reas presant d’an Ilis a Rosclit eus e Gurunen pehini a voa eus ur pris bras meurbet, en ur lavaret penaus an traou preciussa a dlie quent servichout da orni ar plaçou consacret d’ar vajeste a Zoue eguet da gountanti vanite ar brincet.
E vodesti hac e respet dirac ar Sacramant adorabl a ravisse pep-unan. E zevotion evit an Itron Varia a re ma felle dezàn e vize celebret he Goueliou gant solennite dre e oll Rouantelez. Ouspen ar yuniou ordrenet gant an Ilis, e ree c’hoas cals a reall ; douguen a ree ur Ciliç rust dindan e Habijou royal ; en ur guer pratica a ree quement a voa capabl d’e gundui e ber amser d’an huela poent a santelez.
Ar princ-mâ, pehini en devoa bepret un desir ardant
da broculi gloar Doue hac avantaich an Ilis, ô veza
græt ordrenançou var ar sujet-se, tud maleürus hac
impy a exitas ur revolt etoues ar bobl en e enep.
Ar Sant oc’h aznaout emedo var ar poent da anduri ar maro evit ar justiç, en em rentas en Ilis Sant Alban Merzer, evel er plaç eus e Gombat ; hac, o veza recevet e Sacramanchou, e recommandas e Ene da Zoue. Souden goude e teuas d’y ur foul a Bobl revoltet. Ar Roue santel en em lequeas var treit an Auter, var e zaoulin, hac, evel un oan innoçant, pehini a yee da veza sacrifiet, e lavaras : Offri à ràn deoc’h gant joa, o va Doue, ar rest a vuez a chom guenê ; mervel a ran evit difen ha souten hoc’h Ilis ; recevit ar sacrifiç a ran deoc’h, ha grit, dre ho craç, ma teui un deiz an dud-mâ da gaout ur guir glac’har eus o c’hrim, evit ma vezint pardounet gueneoc’h evel ma o fardounàn a greis va c’halon. En ur lavaret ar c’homsou diveza-mâ, e voe treuzet gant birou pere a denner varnezàn eus a bep-tu. Mervel a eureu er bloaz 1087.
Ar Pap Clemant, decvet eus an hano-ze, excitet dre an nombr bras a Viraclou a errue bemdez dre intercession ar Merzer santel-mâ, a ordrenas ober, dre an Ilis uuiversel, un Ofiç en e enor.
An devotion hac ar vortification eus ar Roue-mâ a gondaono un deiz al laichete eus a gals a Gristenien. Ha recevet mad e vezimp-ni da lavaret ne voa quet possubl ebarz er bed cundui ur vuez mortifiet, hac en em acquita eus an oll deveriou christen, pa vezo disquezet deomp ur Sant Canut, ha quenalies a Brincet Santel, pere o deus conservet o innocanç dre ar pratiq eus ar pinigennou brassa, e creiz ar bed ha var an trôn ? Beza o devoa ar memes Religion evel hon eus, mæs hac heulia a reomp-ni ar memes Aviel ? O cundui ur vuez quen dishènvel dious o hini, esperout a ellomp-ni ar memez recompanç hac ar memes eürusdet ?
Eil Reflexion. Enorabl ha glorius eo mervel evel Sant Canut, evit ar Feiz hac evit difen ha souten caus an Ilis : hon bezet da viana ar gonsolation hac ar gloar da veva evel guir bugale d’an Ilis.