| ◄ A exercice er volanté hac ag er fin e teliamp hur bout én hun ol actioneu interior hac exterior. | Considerationeu peré e èll douguein er volanté de gârein hemp quin er peh e vènn en eutru Doué. | Bout zou é mab-dein estroh eveit ur volanté peré e zou hemp cess contrel en eil d’éguilé. ► |
Er hombat spirituel/Chapistre 11
CHAPISTRE XI.
Considerationeu peré e èll douguein er volanté de gârein hemp quin er peh e venn en eutru Doué.
VEIT tennein æssoh hun volanté de gârein hemp quin er peh e venn en eutru Doué hac er peh e zou eveit é hloër, n’ancoéhamp quet en en dès priset hun hârein hac hun inourein er hetan é mil fæçon differante. Ean é en dès hun tennet a nitra, en dès hun hrouéet doh é limage hac en dès groeit en ol treu aral eveit hun chervige ; ean é, a p’en dès reit demp ur redampteur, en dès degasset teomp non pas un æl, mæs é vab unique, pehani en dés prenet en ol dut, [1] non pas dré er bris ag en argant hac ag en eur peré e zou treu vil, mæs dré er bris a é oaid precius ha dré é varhue quer mehus èl quen anquinus ; ean é anfin en hani e ra secour demp é peb momand doh arrage hun anemiset ; en hani e gombat aveit omp dré é hræce, en hani e zou perpet prest de rein demb corf é vab doh en daul sacret eit hun maguein hac hun dihuen ar un dro.
A nen dés azé mercheu certæn ag en istim hac ag er garanté en dès un Doué quer bras aveit omp ? Piue e ellehai comprenein bet mèn é ha é charité eveit tut quer peur ha quen distér èl ma omp-ni, ha bet mèn é teli monet hun trugarecadeu hac hun bennoh é quevér el liberallan oberour mat e fehai bout ? Mar cav er ré puissant ag er bed a pe hum uélant inouret guet tut distéroh eveit hé, é mand-i ehué obliget de rantein d’er ré-zé un inour benac, peh inour ne zeli rantein prinhuet doar, d’er mæstre general a guement tra zou ol pehani e ra dehai quement a vercheu a é garanté hac a é istim ? Ret é demp drès pep tra hur bout chonge penaus er vajestè infinie-zé e velite bout cherviget dré ur garanté pur pehani e glasque pligein de Zoué hemp quin.
- ↑ I, Pet. I. 18.