Er hombat spirituel/Chapistre 12


CHAPISTRE XII.
Bout zou e mab-dein estroh eveit ur volanté peré e zou hemp cess contrel en eil d’éguilé.


BOUT zou é mab-dein diue volanté, unan inhuel, en aral izel. Er guetan e zou hanhuet er ræson, en aral e zou hanhuet goal-inclination, squent, imur ; neoah eveit laret dræt-cair, èl ne ver dein meit dré er ræson, nen dé quet ehué vennein un dra é, um zouguein dehou aben guet er hetan boulge e santer, meit ac er ræson hum zouguehai dehou goudé guet hé grâd.

Rac-cé ol hun brésel spirituel e gonsiste ér peh mata d’er volanté ræsonabl, pehani en dès volanté Doué drest hi hac er goal inclination edan d’hi, hac hum gav hi é creis, bout elsé attaquet én ur fæçon quasi ingal ag en eil tu hac éguilé, rac Doué ag un tu hac er hicq ag en tu aral, hé solite hemp cess, ha ne vanquant a nitra eveit gober dehi antréein én hou santimanteu.

Chetu er peh e denn hilleih a boénieu d’er ré peré goudé ou devout quemeret fal accustumanceu én hou youanquis, e guemer anfin er resolution de changein a vuhé, de vortifiein ou horf ha de droêin cain d’er bed eveit chervigein Doué : rac ér memès amzer é ta beh d’ou volanté, ha dré volanté Doué ha dré er goal-inclination, ha ne vern doh peh tu en hum dro, poén vras hé dès é resistein doh soliteu quen nerhus.

Er hombat-cé n’arriue quet guet er ré e zou accustumet doh er vuhé disordre, hac e zou ér resolution de vihuein perpet èl m’ou dès bihuet ; rac en ineaneu santel e hum hroa doh volanté Doué, hac er ré corromplet e héli ou goal-inclination. Mæs remerquet penaus jamæs vertuus ne vou un dein, na servitour veritable de Zoué, ma n’en dé resolus de hum gontraign ean memb, ha de feahein er boén en dès é ober renonci d’en ol plijadurieu ag er bed, ne vern peh sorte ind, eveit peré en dès bet ur garanté criminel benac.

Chetu petra zou caus m’ema quer bihan en nombre ag er ré e avance largue ér berfection. Rac goudé ou devout feahet er vinceu er ré vrassan, goudé ou devout fatiguet hilleih, col e rant courage, ha ne vennant mui hum gontraign, a bout n’ou dès mui meit ur brésel dister dober eit distrugein restageu goan a hou volanté prope ; hac eit mouguein hilleih a oal-inclinationeu bihan peré, é quemeret nerh a zé de zé, e ouni ér fin ou halon.

Ag er ré-zé hilleih, par exampl, ne lairant quet madeu en nessan, mæs int ou dès ur garanté disordre eveit ou madeu prope, n’en hum chervigeant quet a voyandeu dihuennet eveit tennein ar nehai inourieu er bed, mæs é leh refus en inourieu væn-zé èl ma requehent, int ou desir liés, hac hum chervige eit ou havouet a voyandeu aral peré, haval é guetai, e zou juste ha ræsonable. Mirein e rant er yuneu a obligation, mæs cârein e rant er chervad hac en tameu er ré delicatan. Hum ouarnein e rant doh en ol plijadurieu ag er hicq, mæs ne zioverant quet plijadurieu aral peré e vir bras doh-t’hai a hum acquittein erhat ag en exerciceu ag er vuhé devot, hac a lacat un union stert etre int ha Doué.

El m’ema enta forh dangerus en treu-zé eveit quement sorte tùt e zou, ha surtout eveit er ré ne zouge quet en drougueu e stleigeant ar hou lerh, ret é de bep-unan bout forh sourcius eit évehat doh-t’hai ; a vihanoh impossible é gober el lod muyan ag en œvreu mat hemp yeinion, hemp amour prope, hemp respet ag er bed, hemp imperfectioneu cuhet, hemp istim a hanomp-ni-memb, hemp desir de hum ziscoein, ha de vout mêlet guet er bed. Er ré dissourci ér poent-cé, non-pas hemp quin n’avançant quet én hent a salvedigueah, mæs culein e rant hac hum exposein de gouéh en dro en ou fal deicheu a ziaguent, rac ne bratiquant quet er vertu parfæt, n’hanàuant quet calz er græce en dès groeit Doué dehai en devout int tennet a sclavage er goal-speret, n’hanàuant quet memp er goal-stad é pehani e mant, hac é chomant èl-cé perpet en ur peah hac en ur segur trompus.

Guellein e rer remerquein aman un drompereah dangerussoh, doh pehani ne fehé quet un dein dihoal rai, rac diæs é hi disolein. Ag er ré e hum daule d’er vuhé devot, hilleih dré ma hum gârant rai int memb, mar eller laret en hum gârant int memb, e choége en exerciceu peré e blige guellan dehai, hac e lausque er real pere nen dint quet d’ou goust, peré e zou contrel d’ou inclination naturel, ha peré e chervige de vortifiein ou goal dahinadeu einep de beré é requehent impléein ol ou nerh ér hombat spirituel. Ne fehé quet bout represantet rai dehai cârein er boén e zou doh ou feahein, rac tout e gonsiste é quement-cé, ha sel mui a gourage e ziscoeint é feahein en trézenneu quetan en hum gave ér vertu, sel prontoh hac assuretoh vou ou victoér. Mar laquant ou chonge hemp quin guet el labour ag er brésel-zé, mar labourant a galon vat, ma ne vant quet rai abret én gorto ag er victoér, peré e zou er vertuïeu, suroh ha prontoh é receüeint er peh e esperant.