Wikimammenn

O ! na hir eo an noz (1934)

Oberennoù damheñvel pe handelvoù all zo ivez, gwelout O na hirret un noz, O ! na hir eo an noz ha Cantique de Communion (1).

Kantigou brezonek eskopti Sant-Brieg ha Landreger
A. Prud’homme, 1934  (p. 14-15)
◄  O ma Jezuz, O ma c’harantez O ! na hir eo an noz Aelez eus ar Baradoz  ►



N° XII. — O ! na hir eo an noz.


\version "2.22.0" \score { \new Staff { \relative c'{ \clef treble \override Rest #'style = #'classical \tempo 4=112 \partial 4*1 a'4 e a b c8( b) | a4( g2) a4 | \break b c8( b) a4 c8( b) | a2 r4 c | d e c d8( c) | \break b2 r4 c | d e c d8( c) | b2 r4 a | e a b c8( b) | a4( g2) a4 | b c8( b) a4 c8( b) | a2 r4 \bar "|." } \addlyrics{ O na hir eo an noz pe -- goulz e teuy an deiz ma_’z in da ze -- ge -- mer Je -- zuz ma c’ha -- ran -- tez O na hir eo an noz pe -- goulz e teuy an deiz. } } \layout { indent = #00 line-width = #123 ragged-last = ##t } \midi { } } \header { tagline = ##f }

Diskan
    O na hir eo an noz pegoulz e teuy an deiz
    Ma ’z in da zegemer Jezuz ma c’harantez
    O na hir eo an noz pegoulz e teuy an deiz.

  1. Tommit ma c’halon baour d’ho kemer, ma Doue;
    Kreskit ennoun feiz, esperans ha karantez,
                  Tommit…


  1. Dihun ha sav, ma c’horf, deomp betek Jezus,
    Me ’glev ouz ma gervel e vouez karantezus.
                  Dihun…

  2. Pegoulz e vi erru, o hent, na hir out-te !
    War lein ho tiouaskell, Aelez, ma dougit-me.
                  Pegoulz…

  3. Bez leun a levenez, em c’hreiz, o ma ene,
    Gwelout a ran ’velkent ti santel ma Doue.
                  Bez leun…

  4. O iliz vinniget digor huan da zor
    Ma ’z in betek Jezuz : hen eo ma holl denzor.
                  O iliz…

  5. Diwar dreuzou ho ti, Jezuz, ho saludan,
    Eur pec’her eveldoun a dlefe chom aman…
                  Diwar…

  6. Me ho salud ivez, sent hag aelez eurus,
    A zo en iliz-man tro-war-dro da Jezuz.
                  Me ho…

  7. Armel sakr alaouret te ’zo tron ma Roue,
    Setu ma taoulinan dirazan ’vel Doue.
                  Armel…

  8. Jezuz, me hoc’h anav dre zaoulagad ar Feiz :
    An osti pa welan, me ho kwel en he c’hreiz.
                  Jezus…

  9. Diskennit o Jezuz, eus an Aoter breman,
    Diskennit em c’halon, diskennit d’am maga(n)
                  Diskennit…

  10. Jezuz a zo ganin ha me ’zo gant Jezuz,
    Nemet er Baradoz netra ken dudius.
                  Jezuz…

  11. A-vreman, ma Jezuz, c’houi hepken a garin,
    Dalc’hmat em ezommou c’houi hepken a glaskin.
                  A-vreman…


Adtapet diwar « https://br.wikisource.org/w/index.php?title=O_!_na_hir_eo_an_noz_(1934)&oldid=185019 »